Munaıshylar bolashaqqa tańdaý jasady

El ómirindegi asa mańyzdy oqıǵanyń biri – kezekten tys prezıdent saılaýy kúni munaıshylar qaýymy da belsendilikpen daýys berdi. Qazaqtyń «qara altynyn» barlap, óndirýmen aınalysatyn otandyq operator – «QazMunaıGaz» Barlaý О́ndirý» AQ-qa qarasty «О́zenmunaıgaz» jáne «Embimunaıgaz» óndiristik fılıal­darynyń jumyskerleri bolashaqqa tańdaý jasady. Júz myńnan astam turǵyny bar Jańaózen qalasynda 27 saılaý ýchaskesi saılaýshylarǵa esigin aıqara ashty. Shyn máninde munaıshylar qalasyna aınalǵan shaǵyn ǵana qalada daýys berý úderisi asa uıymshyldyqpen ót­ti. Qalanyń tynys-tirshiligi tikeleı munaı óndirisimen baıla­nysty bolǵandyqtan, olardyń kópshiligi tań sáriden daýys berdi. Al saılaý ýchaskeleri ashyl­maı jatyp, vahtaǵa ketken mu­naıshylar úshin túski úzilis kezinde kólik tasymaldary uıym­dastyryldy. «QazMunaıGaz» Bar­laý О́ndirý» AQ  búgingi tań­da Qazaqstannyń ártúrli aımaq­tarynda jumys istep jatyr. Aıtar bolsaq, Mańǵystaý, Aty­raý, Qyzylorda jáne Batys Qazaqstan oblystarynda aktıvteri bar. Sondyqtan da kásip­oryn basshylary jumys ýaqy­tynyń kóp bóligin Astanadaǵy keńsede emes, óndiristik nysan­darda ótkizedi. Jumys sapary­men «О́zenmunaıgaz» óndiristik fılıalyna kelgen «QazMunaı­Gaz» Barlaý О́ndirý» AQ bas dırektorynyń birinshi orynba­sary – Aqtaý qalasyndaǵy jedel basqarý tobynyń jetekshisi Vladımır Mıroshnıkov, Qyzmet­kerler jáne áleýmettik saıasat jónindegi basqarýshy dırektor Taras Hıtýov ta Jańaózen qa­lasynda daýys berdi. – Búgingi kún – bizdiń elimiz úshin óte mańyzdy kún. Men bú­gin elimizdegi turaqtylyqty jaq­tap, aldaǵy 20-30 jyl ishinde Qazaq­stannyń qarqyndy damýy jónin­degi josparlardy jáne re­for­malardyń jalǵasýyn qol­dap daýys berdim. Men tek qana Jańaózen munaıshylary ǵana emes, sonymen qatar elimizdiń turǵyndarynyń basym kóp­shi­ligi osyndaı tańdaý jasaı­ty­ny­na senimim mol, – dedi Qyz­met­kerler jáne áleýmettik saıasat jónindegi basqarýshy dırektor Taras Hıtýov. Al qazaq munaıynyń qara sha­ńyraǵy Atyraý oblysynda da daýys berý jaqsy daıyn­dyqpen ótkizildi. «Embimunaı­gaz» ón­di­ristik fılıalynda saı­laý kúni 1400-deı munaıshy vahtada bol­dy. Olar úshin ar­naıy uıymdas­tyrylǵan reıs­terdiń ar­qasynda munaıshylar­dyń barlyǵy túski saǵat 14.00-ge deıin bir kisideı daýys berýge qatysty. Zarına AMRAEVA. «О́zenmunaıgaz» О́F jas munaıshysy Qýandyq О́serov alǵash ret daýys berdi.