Qazirgi tańda saılaý nátıjesi boıynsha jer-jerde ár túrli sharalar ótkizilýde. Sondaı sharalardyń biri keshe Astanadaǵy «Ramada Plaza» qonaq úıinde bolyp ótti. Atap aıtqanda, AQSh baıqaýshylary Qazaqstanda ótken prezıdenttik saılaýdyń qorytyndysy boıynsha Astana-Vashıngton beıne-konferensııasyna qatysyp, saılaý týraly óz pikirlerimen bólisti.
Atalǵan sharaǵa Jańa demokratııa ınstıtýtynyń atqarýshy dırektory Margarıta Asenova, «Djeımstaýn» qorynyń aǵa sarapshysy Vladımır Sokor, AQSh-tyń katolıktik ýnıversıtetiniń professory Sergeı Greskıı, Strategııa jáne halyqaralyq zertteýler ortalyǵynyń jańa eýropalyq demokratııa baǵdarlamasynyń dırektory Iаnýsh Býgaıskıı, Gýdzon ınstıtýtynyń aǵa qyzmetkeri Rıchard Veıts, Investısııa jáne salyq jónindegi halyqaralyq ortalyq prezıdenti Denıel Alan Vıtt, saralaý ortalyǵynyń sarapshysy Dýglas Alan Taýnsend jáne Salans zańgerlik kompanııasynyń sarapshysy Artýr Rendolf Bregman qatysyp, óz oılaryn ortaǵa saldy. Baıqaýshylardyń sózinen belgili bolǵandaı, Qazaqstanda demokratııanyń tamyry tereńdeı túsýde. Iаǵnı, ótken saılaýlardaǵy sııaqty saılaý ýchaskelerine saılaýshylardy jumyldyrý sııaqty belgiler bul naýqan barysynda oryn almaǵandyǵy erekshe atalyp ótti. Qazaqstan Respýblıkasynyń prezıdentin saılaý kezinde saılaýshylardyń azamattyq paryzy men patrıottyq sezimi erekshe baıqalǵandyǵy da nazardan tys qalmady.
Amerıkalyq baıqaýshylardyń paıymynsha, Qazaqstan halqynyń saılaýǵa qatysýdaǵy mundaı belsendiligin olardyń turmys jaǵdaıyn qamtamasyz etip otyrǵan basshylyqqa degen senimi men eldegi saıası sabaqtastyqty jáne ulttyq turaqtylyqty saqtaýǵa degen umtylysymen baılanystyrýǵa bolady. Sondaı-aq, olar óz sózderinde saılaý ýchaskeleriniń jumysymen jaqyn tanysqanda, saıası partııalarmen jáne qoǵamdyq uıymdarmen kezdesýleri týraly jan-jaqty aqparat bere ketti. Atalǵan sharaǵa elimizde tirkelgen sheteldik jáne otandyq buqaralyq aqparat quraldarynyń ókilderi de qatysyp otyrdy.
Asqar TURAPBAIULY.