Podobedova – jyl sportshysy

Jaqynda Almatyda Týrızm jáne sport mınıstrliginiń uıymdastyrýymen ótken sportshylar keshinde aýyr atlet Svetlana Podobedova ótken jyldyń eń úzdik sportshysy ataǵyna ıe boldy. «Jyl úzdigi» atanǵan Podobedova ótken jyly 2009 jylǵy álem chempıony ataǵyn taǵy je­ńip aldy. Sonymen birge ol Túr­kııa­nyń Antalıa qalasynda ótken álem chempıonatynda dúnıe­jú­zi­lik rekordqa úsh ret ózgeris engiz­di. Podobedovanyń osyndaı erlikterin eskergen Halyqaralyq aýyr atletıka federasııasy ony jyl­dyń «eń úzdik ziltemirshisi» dep tanydy. Endi mine, Svet­la­nanyń osy jetistikteri elimizde de eskerilip, oǵan 2010 jyldyń «eń úzdik sportshysy» ataǵy berilip otyr. Osy keshte mınıstrliktiń uıym­­dastyrýymen jyl saıyn qalamger Seıdahmet Berdiqulov atyndaǵy sport jýrnalısteri ara­synda ótetin konkýrstyń jeńim­paz­dary da anyqtaldy. Konkýrs­tyń jeńimpazy bolyp «Qazaq sporty» gazeti bas redaktorynyń orynbasary Zeınel Úısinbaıtegi, «Qazaqstan» ulttyq arnasynyń Oń­tústik Qazaqstan oblysy bo­ıynsha fılıalynyń tilshisi Indıra Bektenova men «Sport juldyzdary» jýrnalynyń bas redaktory Musa­ǵalı Tasqalıev atandy. Keshte jeńimpazdarǵa syılyq­ty mınıstrliktiń Sport isteri jónindegi komıtetiniń tóraǵasy Elsııar Qanaǵatov tabys etti.