2011 jylǵy 28 qańtar, Astana, Úkimet Úıi
Qazaqstan Respýblıkasynyń paıdaly qazbalardy satyp alýǵa basym quqyǵyn iske asyrý qaǵıdasyn bekitý týraly
«Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń 16-baby 28) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń paıdaly qazbalardy satyp alýǵa basym quqyǵyn iske asyrý qaǵıdasy bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011jylǵy 29 qańtardaǵy №38 qaýlysymen bekitilgen
Qazaqstan Respýblıkasynyń paıdaly qazbalardy satyp alýǵa basym quqyǵyn iske asyrý qaǵıdasy
1. Jalpy erejeler
1. Osy Qazaqstan Respýblıkasynyń paıdaly qazbalardy satyp alýǵa basym quqyǵyn iske asyrý qaǵıdasy (budan ári – Qaǵıda) «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańyna sáıkes ázirlendi jáne memlekettiń paıdaly qazbalardy satyp alýǵa basym quqyǵyn iske asyrý tártibin aıqyndaıdy.
2. Memlekettiń basym quqyǵy tártibimen paıdaly qazbalardy satyp alýdy quzyretti organ júzege asyrady.
Qazaqstan Respýblıkasy Munaı jáne gaz mınıstrligi kómirsýtek shıkizatyn satyp alý jónindegi quzyretti organ bolyp tabylady.
Qazaqstan Respýblıkasy Indýstrııa jáne jańa tehnologııalar mınıstrligi keń taralǵan paıdaly qazbalardy jáne kómirsýtek shıkizatyn qospaǵanda, paıdaly qazbalardy satyp alý jónindegi quzyretti organ bolyp tabylady.
3. Osy Qaǵıdada qoldanylatyn uǵymdar Zańda ańyqtalǵan maǵynaǵa ıe bolady.
2. Memlekettiń paıdaly qazbalardy satyp alýǵa basym quqyǵyn iske asyrý tártibi
4. Strategııalyq mıneraldyq shıkizattyń belgili bir túrine ishki naryqtyń qajettilikterin jabý maqsatynda Qazaqstan Respýblıkasynyń zańnamasyna sáıkes quzyretti organ júzege asyratyn monıtorıng nátıjeleri boıynsha, sondaı-aq tótenshe sıpattaǵy ózge jaǵdaılarda Qazaqstan Respýblıkasynyń Úkimeti basym quqyq tártibimen paıdaly qazbalardy satyp alý týraly sheshim qabyldaýy múmkin.
5. Memlekettiń basym quqyǵy tártibimen satyp alý týraly sheshimniń jobasyn zańnamada belgilengen tártippen paıdaly qazba túrine baılanysty tıisti quzyretti organ ázirleıdi jáne ol bıýdjetti atqarý jónindegi ýákiletti organmen mindetti túrde kelisilýge jatady.
6. Paıdaly qazbalardy memlekettiń basym quqyǵy tártibimen satyp alý týraly sheshim negizinde quzyretti organ jer qoınaýyn paıdalanýshyny mundaı nıeti týraly satyp alýdyń boljanatyn kúninen keminde on bes jumys kúni buryn jazbasha habardar etedi. Jer qoınaýyn paıdalanýshynyń jazbasha habarlamasy mynalardy: paıdaly qazbanyń túrin, onyń mólsherin, shamamen satyp alý merzimin qamtýy tıis.
7. Satyp alynatyn paıdaly qazbalardyń shekti kólemi jáne tólem túri jer qoınaýyn paıdalanýǵa arnalǵan kelisimshartta belgilenedi. Buryn jasalǵan kelisimsharttar boıynsha shekti kólemi kózdelmegen satyp alynatyn paıdaly qazbalardyń mundaı kólemin, sondaı-aq satyp alýdyń ózge de sharttaryn jer qoınaýyn paıdalanýshymen kelisim boıynsha quzyretti organ belgileıdi.
8. Habarlamany alǵan sátten bastap bes jumys kúni ishinde jer qoınaýyn paıdalanýshy men quzyretti organ kelissózder arqyly satyp alynatyn paıdaly qazbalardyń baǵasyn, jetkizý sharttaryn jáne olardy tóleý tártibin kelisedi.
9. Satyp alynatyn paıdaly qazbalardyń baǵasy kóliktik shyǵystardy jáne ótkizýge arnalǵan shyǵyndardy shegere otyryp, mámileni jasaý kúnine qalyptasqan, jer qoınaýyn paıdalanýshy tıisti paıdaly qazbalarǵa mámile jasasý kezinde qoldanatyn baǵadan aspaýy tıis.
Jer qoınaýyn paıdalanýshylardyń mámileler jasasqan kezde qoldanylatyn paıdaly qazbalardyń baǵasy týraly aqparaty bolmaǵan jaǵdaıda memlekettiń paıdaly qazbalardy satyp alýy jónindegi mámileni jasasý kúnine álemdik naryqta qalyptasqan baǵadan aspaıtyn baǵa qoldanylady.
10. Paıdaly qazbalardy satyp alý sharttaryn keliskennen keıin quzyretti organ jer qoınaýyn paıdalanýshymen paıdaly qazbalardy satyp alý týraly shart jasasady.
11. Satyp alynǵan paıdaly qazbalar úshin tólem merzimi paıdaly qazbalardy jetkizý kúninen bastap kúntizbelik otyz kúnnen aspaýy tıis.
12. Paıdaly qazbalardy satyp alý týraly shart mynalardy:
1) jer qoınaýyn paıdalanýshy jeke tulǵanyń aty-jóni nemese zańdy tulǵanyń ataýy;
2) jer qoınaýyn paıdalanýǵa arnalǵan kelisimsharttyń derektemeleri;
3) satyp alynatyn paıdaly qazbalardyń mólsheri;
4) paıdaly qazbalardy jetkizý orny men merzimi;
5) aqy tóleý tártibi jáne merzimi;
6) jetkizý kóliginiń túri;
7) paıdaly qazbany alýshyny qamtýy tıis.