Kóshbasshylyqqa talas kóp

Osy kúnderi elimizdiń barlyq óńirlerinde qar erip, kúnniń beti beri qaraǵanda Qazaqstan chempıonaty premer-lıgasynyń oıyndary da qyza bastady. Kúni keshe premer-lıgada óner kórsetetin komandalar kezekti oıyndaryn ótkizip, bıylǵy maýsymǵa qaı ujymnyń qandaı daıyndyqpen kelgenderin taǵy bir ret kórsetti. Besinshi týrda týrnır kestesinde kósh bastap kele jatqan Taldy­qorǵannyń «Jetisý» klýby syrt alańda «Tarazdan» 1:0 esebimen ba­sym tússe, «Ertis» Almatyda «Qaı­ratty» 3:1 esebimen utty. Sóı­tip, ótken týrda Shymkentke qo­naqqa baryp, alań ıelerin jeń­gen tarazdyqtar bul joly óz ala­ńyn­da qonaqtardan ese jiberýge máj­búr boldy. Al «Ertis» qa­tary­nan eki týr qajetti 6 upaıdy en­shilep, týrnır kestesindegi jaǵ­daıyn birshama túzep aldy. Byl­tyrǵy maýsymda premer-lıgada aman qalǵan «Qaırattyń» joly áli bolmaı júr. Chempıonat bas­ta­lysymen bir ret qana jeńisti toı­laǵan almatylyqtar sońǵy kezderi birese utyp, birese teń oınap keledi. Qazir týrnır kestesinde 5 upaımen 8 orynda turǵan «Qaı­rat» aldaǵy kezde jankúıer­leri­niń kóńilinen shyǵýǵa bar kúsh­terin salady degen oıdamyz. Osy týrda vıse-chempıon «Aq­tóbe» men Qyzylordanyń «Qaı­­sar» komandasy óz alańynda jeńiske jet­ti. Aqtóbelikter Shym­­kenttiń «Or­dabasy» ujymyn qa­byl­dap, 2:1 esebimen utsa, Syr bo­ıynyń sa­ıyp­qyrandary «Aty­raý­dan» 1:0 esebimen basym tústi. Bul oıynda jalǵyz dopty mol­dovalyq legıoner, Aleksandrý Mak­sım soqty. Só­ı­tip, ol chem­pıonattaǵy ekinshi do­byn soǵyp úlgerdi. Al «Aq­tó­be» men «Ordabasy» matchynda kame­rýn­dyq Tıtı Essombo 14-mı­nótte ózi­niń alǵashqy dobyn soq­sa, Marat Haırýllın tórtinshi dobyn qaqpaǵa toǵytty. Qazir ol odan bir dop kem soqqan «Loko­mo­tıvtiń» shabýyl­shy­sy Tańat Nóserbaev ekeýi mergender kóshin bastap keledi. Besinshi týrda «Vostok» - «To­byl», «Shahter» - «Lokomotıv» kezdesýleri teń eseppen bitti. О́z alańynda «temirjolshylardy» qa­byl­daǵan Qaraǵandy komandasy qan­sha shabýyldasa da bir dop soǵa almaı ketti. Bul jaǵdaı astana­lyqtardyń týrnır kestesindegi or­nyn jaqsartty. Sóıtip, syrt alań­da bir upaı ıelengen «Lokomotıv» 10 upaımen tórtin­shi orynǵa shyq­ty. Al «Shahter» bolsa, osynshama upaımen odan bir joǵary orynǵa jaıǵasty. Osy týrdaǵy eń qyzyq­ty oıyn О́skemende «Vostok» pen «Tobyl» arasynda ótti deýge bola­dy. Onda el chempıondary matchtyń 79-mınótine deıin alań ıelerin 2:0 esebimen jeńip kele jatqan edi. Biraq, oıyn aıaqtalýyna 10 mınót qalǵanda «Vostok» namysqa tyry­syp, esepti teńestirip ketti.

Besinshi týrdan keıingi týrnır kestesi

Komandalar              oıyn   jeńis    teń               jeńilis    doptar  upaı 1. «Jetisý»                 5          4                      0          1          7-1       12 2. «Aqtóbe»                 5          4                      0         1          9-5       12 3. «Shahter»                5          3                      1          1          7-3       10 4. «Lokomotıv»          5          3          1          1          4-3       10 5. «Ertis»                    5          3          0          2          9-8       9 6. «Vostok»                 5          1          3          1          7-8       6 7. «Atyraý»                5          1          2          2          6-7       5 8. «Qaırat»                5          1          2          2          4-6       5 9. «Qaısar»                5          1          2          2                      2-6       5 10. «Tobyl»                5          1          1          3                      7-7       4 11. «Ordabasy»          5          1          0          4                      2-         3 12. «Taraz»         5      1          0          4          2-7       3 Dastan KENJALIN.