Astana qalasy ishki ister departamentiniń qyzmetkerleri 2016 jyldyń qorytyndysy boıynsha 374 myńnan asa ákimshilik quqyq buzýshylyq anyqtaǵan, sonyń ishinde ákimshilik ister boıynsha 2 mlrd teńgeden astam somanyń aıyppuldary túrinde qaýlylar shyǵarylǵan.
Qazirgi ýaqytta elordada ákimshilik aıyppuldardy tólemeýshilerdi anyqtaý jáne tárkileý boıynsha reıd sharalary júrgizilýde.
Ákimshilik aıyppuldaryn erikti túrde tólemegen quqyq buzýshylarǵa qatysty QR ÁQBK 669 baby boıynsha ákimshilik óndiris qozǵalady. Sot úkimin, sot sheshimin nemese basqa sot aktin jáne oryndaý qujatyn elemegeni jáne oryndamaǵany úshin bes táýlikke deıin qamaýǵa alý qarastyrylǵan.
Elordanyń Mamandandyrylǵan ákimshilik sotynda alǵashqy sot prosesi ótip, ákimshilik aıyppuldaryn ótemegenderge qamaýǵa alý jazasyn qoldaný týraly sheshim shyǵardy, al buryn atalǵan quqyq buzýshylyq úshin aıyppul túrinde sanksııa qarastyrylatyn.
Elorda IID ákimshilik polısııasynyń qyzmetkerleri QR QK 430-babyna sáıkes, boryshkerdiń zańdy kúshine engen úkimdi, sot sheshimin nemese basqa sot aktin nemese oryndaý qujatyn alty aıdan artyq ýaqyt boıy oryndamaý 3-5 jylǵa deıin bas bostandyǵyn shekteýmen nemese sol merzimge bas bostandyǵynan aıyrýmen jazalanady.