Kezdesýge M.Joldasbekov, K.Saǵadıev, R.Shyrdabaev, O.Ábdikárimov, B.Izmuhambetov, M.Qasymbekov qatysty dep habarlaıdy Aqordanyń resmı saıty.
Basqosýda konstıtýsııalyq reformalarǵa, aýyl sharýashylyǵy men sharýashylyǵyn, densaýlyq saqtaý salasyn, ǵylym men bilimdi, orta jáne shaǵyn bıznesti damytýǵa jáne jekeshelendirýge qatysty ekonomıka, áleýmet, qoǵam máseleleri talqylandy.
Elbasy táýelsizdiktiń 25 jylynda Qazaqstan júrip ótken kúrdeli joly týraly aıta kelip, eldiń bolashaq damýynyń negizgi joldary týraly sóz qozǵady.
- Qazaqstan búginde álem jurtshylyǵy biletin elge aınaldy, ekonomıkanyń betalysy jaqsy. Endi bar jetistikti «Úshinshi jańǵyrtý» Joldaýynda belgilengen maqsattarǵa jetý úshin paıdalaný kerek, - dedi Nazarbaev.
Memleket basshysy Qazaqstan azamattary betpe-bet kelip otyrǵan qazirgi zaman qıyndyqtaryna nazar aýdardy.
- Naryq jolyn tańdaǵan bizdiń qoǵam aldynda túbegeıli jańa mindetter tur. Eldiń bolashaq damýy olardyń tıimdi sheshilýine baılanysty. Jahandyq ekonomıka dáýirindegi negizgi másele ınnovasııa bolyp otyr. Indýstrııalyq tóńkerister bizdi aınalyp ótpeýi tıis. Ekonomıkamyzǵa ınnovasııalyq tehnologııalardy sińire bilýimiz kerek, - dedi Nazarbaev.
Prezıdent bul mindetterdi oryndaý úshin tıisti qarjy kerek ekenin aıtty.
- Innovasııalyq tehnologııalardy jasaýǵa qarjy bólmesek, álemde qalyptasyp otyrǵan jańa ekonomıkalyq úrdiske ilese almaı, kenjelep qalýymyz múmkin. Jappaı óndiristi damytý úshin qajet tehnologııalardy engizý arqyly eńbek ónimdiligin arttyrýymyz kerek. Bul úshin ǵylymı-zertteý ınstıtýttaryn qurý qajet. Olar kásiporyndar jáne eldiń jetekshi oqý oryndary janynan ashylatyn bolady. Mysaly, «Alataý» tehnobaǵy, Nazarbaev Ýnıversıteti janynan qurylýy múmkin, - dedi Prezıdent.
Kezdesýge kelgen memleket qaıratkerleri Memleket basshysy usynǵan memlekettik bılik tarmaqtary arasyndaǵy ókilettikterdi qaıta bólý reformalaryn qoldaıtyndaryn jetkizdi. Kóptegen bastamalardyń, onyń ishinde ásirese Parlamenttiń quzyretin kúsheıtý, derbestik pen jaýapkershilikti arttyrý baǵytyndaǵy usynystardyń zaman talabyna saı ekenin aıtty.
Buǵan qosa, kezdesýge qatysýshylar respýblıkalyq jáne jergilikti bıýdjet qarajatynyń jumsalýyna qoǵamdyq baqylaý jasaýǵa, salalyq baǵdarlamalardyń oryndalýyna, jer reformasyna, sybaılas jemqorlyqqa qarsy sanany ornyqtyryp, «múldem tózbeýshilik» saıasatyn tıimdi júzege asyrýǵa, sondaı-aq Bes ınstıtýsıonaldyq reformany iske asyrý boıynsha Ult josparynda belgilengen mindetterdi kezeń-kezeńmen oryndaýǵa qatysty túıtkildi máselelerge toqtaldy.