Búgin Úkimet úıinde Premer-Mınıstr Baqytjan Saǵyntaev Memleket basshysynyń «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna joldaýynda málimdelgen tapsyrmalaryn oryndaý maqsatynda satyp alýlar júıesin jetildirý máseleleri boıynsha keńes ótkizdi. Bul týraly Úkimet basshysynyń resmı saıty habarlady.
Keńes barysynda qyzmetti ortalyqtandyrý qaǵıdasy boıynsha satyp alýlardyń biryńǵaı júıesin engizý máseleleri talqylandy. Sondaı-aq, kvazımemlekettik sektorda, tabıǵı monopolııalar men jer qoınaýyn paıdalaný salalarynda satyp alý jumystaryn júrgizýdiń jańa tásilderi qaraldy. Prezıdenttiń atalǵan tapsyrmalaryn oryndaý satyp alýlar úderisterin júrgizýdiń aıqyndylyǵymen qamtamasyz etýge múmkindik beredi.
Keńes qorytyndysy boıynsha Premer-Mınıstr ýákiletti memlekettik organdarǵa sarapshylar qaýymdastyǵymen birlesip satyp alýlar úlgisiniń jobasyn talqylap, Úkimetke engizýdi tapsyrdy.