Qos «Eńbek Eri» – Qyzylordada

Qyzylordaǵa qos birdeı «Qazaqstannyń Eńbek Eri» keldi. «Ulttyq ǵylymı kardıohırýrgııalyq ortalyq» AQ dırektory, professor Iýrıı Pıa men «Ulttyq neırohırýrgııa ortalyǵy» AQ basqarma tóraǵasy, medısına ǵylymdarynyń doktory, professor Serik Aqsholaqov aımaqtyń densaýlyq saqtaý salasynyń qyzmetkerlerimen kezdesti. Memleket basshysynyń Ult jospary – bes ıns­tıtýttyq reformasyn jú­zege asyrý maqsatynda aı­maqqa kelip, «100 naqty qadam» aıasynda iske asatyn mindetti áleýmettik medısınalyq saqtandyrýǵa baılanysty ózderiniń oı-pikirlerimen bólisken qos «Eńbek Eri» densaýlyq saqtaý salasyndaǵy basqa da máseleler jóninde sóz qozǵady. Sondaı-aq, atal­ǵan saladaǵy sońǵy jańa­lyqtarymen bólisip, medı­sınadaǵy álemdik tájirı­belerdi tilge tıek etti. Sa­par barysynda Iýrıı Pıa 59 jastaǵy qyzylordalyq naýqastyń júregine ashyq ári jańashyl ota jasady. Al Serik Aqsholaqov 15 naý­qasqa dárigerlik keńes berdi. Serik Aqsholaqov pen Iýrıı Pıany Qyzylorda oblysynyń ákimi Qyrymbek Kósherbaev arnaıy qabyldap, kezdesti. – Bizdiń oblysymyzda densaýlyq saqtaý salasyn damytý úshin aýqymdy jumystar atqarylýda. О́t­ken jyly qabyldanǵan memlekettik «Densaýlyq» baǵdarlamasy aıasynda 28 ındıkatorly kórsetkishke qol jetkizý maqsatynda aımaqtyq jospar daıyndaldy. 2016 jyly biz ortasha ómir súrý uzaqtyǵyn 72 jasqa uzartýdy maqsat etip, ol kórsetkishke qol jetkizdik, – dedi oblys ákimi. Syr eline saparlap kel­gen «Eńbek Erlerine» kúrish­ten jasalǵan óz portretteri estelikke syıǵa tartyldy. Kartına avtory – sýretshi Qaıyrbek Zákirov. Mártebeli meımandar oblystyq medısınalyq orta­lyqtyń Baıqońyr qa­la­syndaǵy fılıalyna, ǵarysh­kerler murajaıy men Qorqyt ata memorıaldyq keshenine baryp, «Soıýz MS» ǵarysh kemesiniń ushý sátin tamashalady. Sondaı-aq, III Internasıonal aýylynyń turǵyndarymen kezdesti. Erjan BAITILES, «Egemen Qazaqstan» Qyzylorda oblysy