Sońǵy jyldary kompanııanyń eńbek ónimdiligin arttyrý maqsatynda iri kásiporyndar qyzmetkerlerine erkindik bere bastady. Al tómendegi ulybrıtanııalyq 7 kompanııa qyzmetkerleriniń jylyna neshe kún demalys alamyn dese de eshqandaı shekteý qoımaıdy eken, dep jazady businessinsider basylymy.
Sala mamandarynyń aıtýynsha, qyzmetkerlerdiń erkindikti sezinýi olardyń kóńil-kúılerin kóterip, kerisinshe jumysqa degen yntasyn arttyra túsedi eken. Bastysy - tapsyrmanyń oryndalýy. Belgilengen saǵatta nemese kúnde keńsege kelip otyrý mindetti emes.
Netflix
Serııaldar men telearna shoýlaryn túsiretin Netflix kompanııasy qyzmetkerlerin jylyna keminde alty apta demalysqa shyǵýǵa májbúrleıdi. Shyǵarmashylyq qyzmetkerler jylyna qansha kún demalamyn dese de erik ózderinde.
LinkedIn
Kásipkerler men iskerlerdiń eń tanymal áleýmettik jelisi sanalatyn LinkedIn qyzmetkerleriniń álemdi barynshy kóbirek sharlaǵanyn talap etedi.
EventBrite
2016 jyly San Fransıskoda negizi qalanǵan bul kompanııa negizinen túrli mádenı jáne sporttyq sharalarǵa bılet satýmen aınalysady.
Crimson Hexagon
Londonda ornalasqan AQSh-tyń bul kompanııasy áleýmettik jelilerdiń saraptamasymen aınalysady.
Visualsoft
Visualsoft elektrondy saýda salasyndaǵy Ulybrıtanııanyń eń iri kompanııalarynyń biri. Kompanııa qyzmetkerleriniń tańerteńgi shyǵynýy men sportpen aınalysýyna kóbirek ýaqyt bólýin talap etedi.
JustPark
Kóshede, qoǵamdyq oryndardyń mańynan nemese qalanyń kez kelgen jerinde kólik qańtaratyn oryn izdegen júrgizýshiler JustPark qosymshasynyń qyzmetine júginedi. Kompanııa qyzmetkerleriniń keńsede otyrǵan ýaqytynan, syrtta júrgen ýaqyty kóp.
AffectV
Aýdıotehnologııa men jarnama platformasyn usynatyn AffectV kompanııasy qyzmetkerleriniń aıtýynsha, demalys erkindiginiń berilýi shyǵarmashylyq damýǵa aıtarlyqtaı jol ashyp otyr.