Ispanııa chempıonatynyń keıinge shegerilgen 16-týrynda Madrıdtiń «Realy» «Mestalıa» stadıonynda «Valensııa» komandasymen kezdesip, 1:2 esebimen ese jiberdi. Degenmen, alǵashqy taımnyń sońyna taman Krıshtıaný Ronaldýdyń soqqan goly «koroldik klýbtyń» kezekti rekordyna sebepshi boldy.
Madrıdtik ujym osymen 43 oıynda qatarynan gol soǵyp, óz rekordyn jańartty. Al sońǵy ret ótken jyldyń 26 sáýirinde Chempıondar lıgasynyń jartylaı fınalynda «Manchester Sıtıge» (0:0) gol soqpaǵan. Osy ýaqyt aralyǵynda Zınedın Zıdan shákirtteri barlyǵy 42 matchta 113 gol saldy.
Ispanııa chempıonatynyń bul rekordy «Barselonaǵa» tıesili. 1942/43 jáne 1943/44 maýsym aralyǵynda katalondyq klýb 44 oıyn qatarynan qarsylastaryn qapy qaldyrǵan.
Aıta keteıik, «Real» birer aı buryn 40 match qatarynan utylmaı «Barselonanyń» rekordyn jańartqan.
Bıylǵy maýsymda 22 oıynnan 52 upaı jınaǵan madrıdtikter týrnırlik kestede kósh bastasa, 23 matchtan keıin 51 upaımen «Barselona» izin qýyp keledi. Dál osynsha oıynymen 49 upaı jınaǵan «Sevılıa» úzdik úshtikti túıindep tur.