Damý jolyndaǵy baǵdarsham
Táýelsiz Qazaqstan sońǵy jıyrma bes jylda soqtyqpaly-soqpaqsyz qıyr-qıyr san taraýly joldardan aman-esen ótip, eseıgen shaqqa shaldyqpaı jetti. Majarstandaǵy attóbelindeı qazaq dıasporasy osynyń bárine syrttaı kýá bolyp, Máńgilik Elimizdiń jasampaz jetistikterine shyn júrekten qýanyp keledi. Bıylǵy Joldaýdy nazar aýdara otyryp oqysaq, qoǵamnyń barlyq salasyn qamtyǵan. Oǵan atsalysý, eldegi jáne shettegi qazaqstandyqtardyń paryzy. Elbasy bul Joldaýynda tatýlyq pen turaqtylyqtyń el damýynda mańyzy zor ekendigin basa aıtypty. Biz Qazaqstandaǵy tarıhı birtektilik pen tatýlyqty saqtaýǵa óz úlesimizdi qosyp, osy baǵyttaǵy jumystardy nasıhattaımyz. Ásirese, Joldaýdaǵy 5 basym baǵytty júzege asyrýǵa ún qosamyz. Elbasymyz osy strategııalyq qujatynda ǵylymnyń damýyna ilesý, jahandyq básekege qabiletti bolý, tyń jańalyqtar ashý qajettigin atap kórsetken eken. Majarstandaǵy qazaq dıasporasy Qazaqstandaǵy barlyq saıası ózgerister men jańashyldyqtardy qalt jibermeı baqylap keledi. Sondyqtan Elbasy Joldaýynyń táýelsiz Otanymyzdyń damý jolyndaǵy baǵdarsham bolaryna kámil senemiz. Ońaısha Maqsumqyzy MANDOKI, túrkitanýshy Majarstan, BýdapeshtJas el úshin jaqsy nyshan
Saıası bılikti qaıta bólý ol árqashanda qoǵamdy demokratııalandyrý jolyndaǵy oń qadam bolyp tabylady. Prezıdentte jınaqtalǵan barlyq saıası bılikti Parlamentpen jáne Úkimetpen bólisý Qazaqstan sııaqty aıtarlyqtaı jas el úshin demokratııany damytý jolynda eldiń ilgerilep kele jatqandyǵyn bildiretin oń belgi bolyp tabylady. Bul tarıhı sheshimniń halyqaralyq qoǵamdastyqtyń elge degen senimin arttyra túsetini anyq. Nátıjesinde, Qazaqstannyń álemdik arenadaǵy bedeli men saıası ımıdji de odan ári kóteriletini aıtpasa da túsinikti. Neǵurlym qýatty Parlament pen jaýapkershiligi jáne ókilettiligi keńeıtilgen Úkimet qyzmeti Qazaqstan halqynyń múddesi úshin odan ári tıimdi bolady. Men Qazaqstanǵa atalǵan reformany júzege asyrýda sáttilik tileımin. Gýgýng GÝMILAR, Demokratııa jáne bilim berý ınstıtýtynyń quryltaıshysy/atqarýshy dırektory, (Indonezııa)