2011 jylǵy 1 naýryz, Astana, Úkimet Úıi
«Bıootyn óndiretin zaýyttardy salýǵa ruqsat berý qaǵıdasyn bekitý týraly»
«Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańynyń 5-babynyń 2) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Bıootyn óndiretin zaýyttardy salýǵa ruqsat berý qaǵıdasy bekitilsin.
2. Osy qaýly alǵashqy resmı jarııalanǵan kúninen bastap on kúntizbelik kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy «1» naýryzdaǵy № 202 qaýlysymen bekitilgen
Bıootyn óndiretin zaýyttardy salýǵa ruqsat berý qaǵıdasy
1. Jalpy erejeler
1. Osy Qaǵıda «Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańynyń 5-babynyń 2) tarmaqshasyna sáıkes ázirlengen jáne bıootyn óndiretin zaýyttardy salýǵa ruqsat berý tártibin belgileıdi.
2. Bıootyn óndirisi salasyndaǵy ýákiletti organ (budan ári – ýákiletti organ) osy Qaǵıdaǵa 1-qosymshaǵa sáıkes nysan boıynsha bıootyn óndiretin zaýyttar salýǵa ruqsat (budan ári – ruqsat) beredi.
2. Ruqsat berý tártibi
3. Ruqsatty resimdeý úshin zańdy tulǵa ýákiletti organǵa mynadaı qujattardy usynady:
1) ruqsat berý týraly ótinish (osy qaǵıdaǵa 2-qosymshada keltirilgen málimetterdi kórsete otyryp erkin nysanda beriledi);
2) salystyryp tekserý úshin qujattardyń túpnusqasyn mindetti túrde usynǵan kezde tirkeý qujattarynyń kóshirmesi;
3) «Bıootyn óndirisin jáne aınalymyn memlekettik retteý týraly» Qazaqstan Respýblıkasynyń 2010 jylǵy 15 qarashadaǵy Zańynyń 8-babynyń 2-tarmaǵynda kózdelgen málimetterdi qamtıtyn bıootyn óndiretin zaýytty salýǵa arnalǵan tehnıkalyq-ekonomıkalyq negizdeme;
4) qorshaǵan ortany qorǵaý salasyndaǵy ýákiletti memlekettik organ nemese jergilikti atqarýshy organ júrgizgen bıootyn óndiretin zaýytty salýǵa memlekettik ekologııalyq saraptamanyń oń qorytyndysy.
4. Qujattar poshta arqyly jiberiledi ne ýákiletti organnyń qujattamalyq qamtamasyz etý qyzmeti arqyly qolma-qol usynylady.
5. Ruqsat berý úshin ýákiletti organǵa usynylǵan barlyq qujattar ótinishti qabyldaǵan tulǵanyń kiris nómirin, kúnin, aty-jóni men tegin kórsete otyryp, kóshirmesi ótinish berýshige jiberiletin tizimdeme boıynsha qabyldanady.
6. Ýákiletti organ zaýyt salýǵa arnalǵan tehnıkalyq-ekonomıkalyq negizdemeniń salalyq saraptamasyn onyń usynylǵan kúninen bastap otyz jumys kúni ishinde ótkizedi.
7. Tehnıkalyq-ekonomıkalyq negizdemeniń salalyq saraptamasy ótkizilgennen keıin ýákiletti organ úsh kúntizbelik kún ishinde ruqsatty beredi ne ruqsatty berýden dáleldi bas tartýdy jazbasha túrde beredi.
8. Ruqsat berýden bas tartý negizderi mynalar bolyp tabylady:
1) tıisti emes tulǵanyń ruqsat berý týraly ótinishi;
2) osy Qaǵıdaǵa sáıkes talap etiletin qujattardy usynbaý nemese qujattardyń tolyq emes paketin usyný;
3) memlekettik ekologııalyq saraptamanyń teris qorytyndysy;
4) tehnıkalyq-ekonomıkalyq negizdemeniń salalyq saraptamasynyń teris qorytyndysy;
5) eger salýǵa josparlanǵan bıootyn óndiretin zaýyttyń óndiristik qýaty jumys istep turǵan bıootyn óndiretin zaýyttardyń óndiristik qýattary jıyntyǵynda Qazaqstan Respýblıkasynyń Úkimeti aıqyndaǵan bıootyn óndirisi boıynsha óndiristik qýattardyń shekti kóleminen artyq bolsa.
9. Qaıta berilgen kezde ótinish osy Qaǵıdada belgilengen tártippen jalpy negizderde qaralady.
3. Ruqsatty qaıta resimdeý jáne telnusqa berý
10. Ruqsat joǵalǵan, búlingen kezde bıootyn óndirýshi ruqsattyń telnusqasyn alady.
Ruqsattyń joǵalǵan, búlingen blankileri bıootyn óndirýshi ýákiletti organǵa jazbasha ótinish (ruqsattyń joǵalý, búliný faktisin rastaıtyn qujattardy qosa bere otyryp) bergen kúninen bastap jaramsyz dep esepteledi.
Ýákiletti organ ótinish berilgen kúnnen bastap on jumys kúni ishinde jańa nómir bere otyryp jáne joǵarǵy oń jaq buryshynda «Telnusqa» degen jazýy bar ruqsattyń telnusqasyn berýdi júzege asyrady.
11. Ruqsattyń telnusqasy tegin beriledi.
12. Birigý, qosylý, bóliný, bólý nemese qaıta qurý, ataýyn ózgertý nysanynda zańdy tulǵa qaıta uıymdastyrylǵan jaǵdaıda, zańdy tulǵa otyz kúntizbelik kún ishinde kórsetilgen málimetterdi rastaıtyn tıisti qujattardy qosa bere otyryp, ruqsatty qaıta resimdeý týraly ótinish beredi.
13. Ýákiletti organ bıootyn óndirýshi tıisti jazbasha ótinish bergen kúnnen bastap on jumys kúni ishinde ruqsatty qaıta resimdeıdi.
Bıootyn óndiretin zaýyttardy salýǵa ruqsat berý qaǵıdasyna 1-qosymsha
Bıootyn óndiretin zaýyt salýǵa
№ RUQSAT
___________________________________________________________________________________
(shıkizat túri, shıkizatty qaıta óńdeý tonnadaǵy/aıdaǵy qýattylyǵy)
__________________________________________________________________________óndiretin
(bıootyn túri)
______________________________________________________________________________úshin
(zaýyttyń ornalasqan jeri)
________________________________________________________________________berilgen (kimge)
20__jylǵy «___»____________
Bıootyn óndirisi boıynsha _________________________aty-jóni,
ýákiletti organ basshysy (qoly)
m.o.
Bıootyn óndiretin zaýyttardy salýǵa ruqsat berý qaǵıdasyna 2-qosymsha
Bıootyn óndiretin zaýyttar salýǵa ruqsat berý ótinishinde kórsetiletin málimetter
Bıootyn óndiretin zaýyttar salýǵa ruqsat berý týraly ótinishte mynadaı málimetter kórsetiledi:
1) zańdy tulǵanyń ataýy men derektemeleri;
2) koordınattary kórsetilgen bıootyn óndiretin zaýyttardyń ornalasqan jeriniń ahýaldyq shemasy;
3) shyǵarýǵa boljanatyn bıootyn túri (túrleri);
4) zaýyttyń ataýy, negizgi sıpattamalary;
5) shıkizatty qaıta óńdeý jónindegi boljamdy qýattylyq, tonna/aıyna;
6) ónim birligine arnalǵan shıkizattyń menshikti shyǵyny;
7) qurylystyń boljamdy bastalý jáne aıaqtalý merzimi;
8) shıkizat bazasynyń teńgerimdik shemasy jáne shıkizatty, onyń ishinde ishki naryqta shıkizattyń eń tómengi deńgeıi kezinde tutyný esebi;
9) óndiristik qyzmettiń sıpattamasy (shyǵarylatyn ónim kólemi, shyǵarylatyn ónim túrleri, jumysshylar sany);
10) bıootyn óndiretin zaýyt salýǵa buryn berilgen derekter (nómiri, berilgen kúni, kim berdi), eger mundaı ótinish berýshide bar bolsa;
11) bıootyn óndirisiniń kólemderi týraly aqparatty avtomatty túrde berýdi qamtamasyz etetin bıootyn óndirisi prosesiniń, bıootyn óndirisi boıynsha qural-jabdyqtardyń, esepteýdi baqylaý quraldarynyń tehnologııalyq sıpattamasy;
12) shıkizatty utymdy paıdalanýdy qamtamasyz etetin is-sharalar.