Kandıdattar usyný aıaqtaldy

Keshe Ortalyq saılaý komıssııasynyń hatshysy Baqyt Meldeshov brıfıng ótkizip, máslıhattardyń shyǵyp qalǵan depýtattarynyń ornyna kandıdattar usynýdyń qorytyndylary jáne tirkeý barysy týraly aıtyp berdi. OSK hatshysynyń atap ótýinshe, osy jylǵy 26 naýryzda respýblıka­nyń 58 saılaý okrýginde bolatyn máslıhat­tar­dyń shyǵyp qalǵan depýtattarynyń ornyna saılaýda kandıdattardy usyný aıaq­taldy, 13 depýtat oblystyq, 9-y qala­lyq, 36-sy aýdandyq máslıhattarǵa saı­lanady. Saılaý naýqanynyń barysynda 201 kandıdat usynyldy, olardyń 63-in saıası partııalar, 138-i ózin ózi usynǵan. «Usynylǵan kandıdattar ishinde 154 er adam jáne 47 áıel adam bar, – dedi B.Meldeshov. 65 kandıdat Qazaqstan Respýblıkasy saıası partııalarynyń músheleri bolyp tabylady, 70-i partııa qatarynda joq, 66-sy partııaǵa tıesi­liligin kórsetpegen. Usynylǵan kandı­dattardyń ishinde 6 ulttyń ókili bar. Kandıdattardyń ortasha jasy – 41 jas, 156 kandıdattyń joǵary bilimi, 34-i orta arnaýly bilimdi jáne 11-iniń orta bilimi bar». Budan soń OSK hatshysy kandı­dattardyń jumysy men qyzmetine toq­taldy. Onyń aıtýynsha, kandıdattardyń 54,2%-y memlekettik mekemelerdiń, uıymdar men kásiporyndardyń qyzmetkerleri, 35,3%-y kommersııalyq qurylymdardyń, 4,5%-y saıası partııa­lar men ÚEU qyzmetkerleri, 3,5%-y ýaqyt­sha jumyssyz, 1,5%-y jumys ornyn kór­setpegen, 1%-y zeınetkerler. «Qazirgi ýaqytta másıhattardyń shyǵyp qalǵan depýtattarynyń ornyna kandıdattardy tirkeý jalǵasýda. Almaty, Atyraý, Shyǵys Qazaqstan, Qaraǵandy, Qyzylorda, Pavlodar oblystarynda tirkeý 1 naýryzda, al Astana qalasynda 10 naýryzda aıaqtalady, – dedi ol ári qaraı. – 1 naýryzdaǵy jaǵdaı boıynsha okrýgtik saılaý komıssııalary 184 kandıdatty tirkedi. Tirkeý merzimi aıaqtalǵan soń, tirkelgen barlyq kandıdat 24 naýryz kúngi saǵat 24.00-ge deıin júretin saılaýaldy úgitke kirisedi». Al 11 naýryzdan bastap saılaý bola­tyn okrýgterdiń saılaýshylary ýchas­kelik saılaý komıssııalarynyń úı-jaıl­arynda saılaýshylar tizimderi­men tany­syp, ózi týraly málimetterdi tekse­rip jáne olarda jiberilgen dálsiz­dik­terdi anyqtaǵan jaǵdaıda, túzetý­ler engize alady. Saılaý naýqany qajetti qar­jylyq jáne materıaldyq-tehnıkalyq re­sýrs­tarmen qamtamasyz etilgen ári saı­laý zańnamasynyń normalaryna sáıkes ótýde. Álısultan QULANBAI, «Egemen Qazaqstan»