Keshe Aqtóbe oblystyq máslıhatynyń kezekten tys 28-shi sessııasy bolyp ótti. Oǵan Qazaqstan Respýblıkasy Prezıdenti Ákimshiliginiń Basshysy Aslan Mýsın qatysty. Aslan Esbolaıuly aldymen máslıhat depýtattarymen jolyǵyp, Elbasy N.Á.Nazarbaevtyń Aqtóbe oblysynyń ákimdigine Eleýsin Naýryzbaıuly Saǵyndyqovty qaıta taǵaıyndaý jóninde usynys bildirgenin málimdedi. Sessııa jumysyna qatysqan depýtattar Elbasy usynysyn biraýyzdan maquldady.
Odan keıin bolǵan aktıv jıynynda Eleýsin Naýryzbaıuly Elbasy, Ult Kóshbasshysy Nursultan Nazarbaevtyń joǵary senimin abyroımen atqaratynyna sendirip, óńir tynysyn memleket alǵa qoıǵan tapsyrmalar deńgeıinde jandandyrýǵa sóz berdi. Aktıv jınalysynda Aslan Mýsın sóz sóılep, eldiń, jerdiń baılyǵyn ıgilikke paıdalaný jóninde pikir bildirip, Elbasy Nursultan Nazarbaevtyń atynan kezekten tys prezıdenttik saılaýda joǵary belsendilik tanytyp, senim bildirgen aqtóbelikterge alǵys sezimin jetkizdi.
Satybaldy SÁÝIRBAI.
Aqtóbe oblysy.