Kóptiń kóńilindegi sheshim

Keshe Aqtaýda Prezıdent Ákim­shiliginiń Basshysy Aslan Mýsın­niń qatysýymen Mań­ǵys­taý ob­ly­sy aktıviniń jınalysy ótti. Onda A.Mýsın oblystyq más­l­ıhat­tyń kezekten tys ses­sııasynda depýtattar Elbasynyń Mańǵystaý obly­synyń ákimi qyz­metine Qy­rym­bek Kósher­ba­ev­ty taǵaı­yn­da­ýy­na bir­aý­yzdan kelisim bergendigin jetkizip, El­basy Jarlyǵyn jarııa etti. Aktıv jınalysynda oblystyq máslıhat hatshysy Baqtybaı Shelpekov Aslan Esbolaıulyna ólke jurtshylyǵynyń qurmetine bó­len­gen isker de halyqshyl bas­sh­y­ny qaıta taǵaıyndaý jónindegi jaqsy da jaǵymdy habary úshin jınalǵan jurtshylyq atynan al­ǵys aıtyp, rızashylyq sezimin bildirdi. Oblysta Elbasy tapsyr­masyna oraı birneshe jasampaz jobalar qolǵa alynýda, bastaǵan isti onyń mán-jaıyn jetik biletin basshynyń ózi ári qaraı jalǵastyratyny qýantady, dedi. Aktıv jınalysynda Qyrym­bek Kósherbaev Elbasynyń ózine kórsetken joǵary senimin aqtaý úshin kúsh-jiger, qajyr-qaıratyn jumsaıtyndyǵyn jetkizdi. Jolaman BOShALAQ. Aqtaý.