Keshe Prezıdent Ákimshiliginiń Basshysy Aslan Mýsın jumys saparymen Atyraýda boldy. Ol aldymen oblystyq máslıhattyń kezekten tys shaqyrylǵan sessııasyna qatysty. «Búgin Atyraýǵa Elbasynyń tapsyrmasymen keldim. Nursultan Ábishuly oblys ákimi qyzmetine Bergeı Rysqalıevtiń kandıdatýrasyn usyndy», deı kele, máslıhat depýtattarynyń talqysyna saldy. Depýtattar B. Rysqalıevtiń kandıdatýrasyna biraýyzdan daýys berdi.
Budan keıin oblys aktıviniń keńeıtilgen májilisi ótip, onda A.Mýsın Elbasynyń oblys ákimi qyzmetine B. Rysqalıevti taǵaıyndaý týraly Jarlyǵyn oqyp berdi. Al qyzmetine qaıta taǵaıyndalǵan ákim Elbasy bildirgen senimniń údesinen shyǵatynyn, alǵa qoıylǵan mindetterdi atqarý barysynda jaýapkershiliktiń júgi jeńildemeıtinin jetkizdi.
Prezıdent Ákimshiliginiń Basshysy óńirde basa nazar aýdarylýy tıis máselelerdi ekshep berdi. Birinshiden, aýdandardy teńdeı damytý máselesi kún tártibinen túspeýi qajet. Ekinshiden, shaǵyn jáne orta bıznesti órkendetýge serpin berilýi tıis. Qazir bul salada eńbek etetinder óńirdegi belsendi halyqtyń 23 paıyzyn quraıdy. Úshinshiden, medısınalyq qyzmet kórsetý sapasyn jaqsartý, ásirese, ana men bala óliminiń aldyn alý jaıy erekshe kóńil bólýdi qajet etedi.
Joldasbek ShО́PEǴUL.
Atyraý oblysy.