Keshe Oral qalasynda oblys aktıvi ótkizildi. Onda Qazaqstan Respýblıkasynyń Prezıdenti Ákimshiliginiń Basshysy Aslan Mýsın aktıvke qatysýshylardy Elbasynyń Baqtyqoja Izmuhambetovti Batys Qazaqstan oblysynyń ákimi etip qaıta taǵaıyndaǵany jónindegi Jarlyǵymen tanystyrdy.
Budan soń B.Izmuhambetov Memleket basshysy men máslıhat depýtattary kórsetken joǵary senim bıiginen kórinýge bar kúsh-jigerin jumsaıtynyn jetkizdi.
Aktıvte sóz alǵan eńbek ardageri Jaısań Aqbaı men Oral qalasyndaǵy «Zenıt» zaýytynyń dırektory Vıacheslav Valıev oblys basshysynyń buǵan deıingi atqaryp kelgen qyzmetine oń baǵa berdi. Ári ol Aqjaıyq óńirindegi jasampaz jobalarǵa bastamashy bola bilgenin atap kórsetti.
Aktıv aıaqtalar sátte A.Mýsın batysqazaqstandyqtar aldynda turǵan jańa mindetterge toqtaldy. Biryńǵaı shıkizattyq baǵyttan ónimdi tereń óńdeýge kúrt betburys jasaý men jobalardy júzege asyrýda turaqtylyq sıpat qajettiligin alǵa tartty. О́ńirde aýyz sýmen qamtylmaǵan 38 eldi meken bar ekenine jergilikti atqarýshy organdardyń nazaryn aýdardy.
Temir QUSAIYN.
Oral.