Asa qadirli Nursultan Ábishuly!
Almaty aımaǵyndaǵy rektorlar keńesi birlestiginiń quramyndaǵy 25 joǵary oqý oryndary men Abaı atyndaǵy Qazaq ulttyq pedagogıkalyq ýnıversıteti ujymdary Sizdi prezıdenttik saılaýdaǵy jeńisińizben – Qazaqstan Respýblıkasynyń Prezıdenti bolyp saılanýyńyzben shyn júrekten quttyqtaıdy.
Bul jeńis, shyn máninde, táýelsiz jas memleketimizdiń taǵdyry, bolashaǵy úshin Sizben birge bolyp, aldaǵy asqaraly asýlardan Sizben birge asýdy murat tutqan barsha halqymyzdyń jeńisi dep oılaımyz. Siz memleket basynda otyrǵan jyldarda ózińizdi naǵyz el qamyn oılaǵan Elbasy, ultymyzdyń janashyry, Otanymyzdyń patrıoty, kemeńger kósemi retinde tanyta bildińiz. О́z táýelsizdiginiń 20 jyldyǵyna aıaq basyp otyrǵan búgingi Qazaqstan úshin jańa dáýirdiń esigin ashyp bergen Sizdiń qajymas qaıratkerligińiz ben halyqaralyq deńgeıdegi abyroı-bedelińizdi álem halqy shyn peıilmen moıyndaýy da qazaq halqynyń mereıi. Saılaýǵa Almaty aımaǵyndaǵy joǵary oqý oryndary men Abaı atyndaǵy Qazaq ulttyq pedagogıkalyq ýnıversıtetiniń professor-oqytýshylar quramy, qyzmetkerleri, stýdentteri de uıymshyldyqpen qatysyp, Siz úshin biraýyzdan daýys berdi.
Sizdiń aldaǵy kezeńde atqaratyn jasampazdyq qyzmetińizge zor tabys tileımiz. О́zińiz irgesin qalaǵan, eńsesin kótergen jáne damýdyń dańǵyl jolyna túsirgen Qazaqstannyń álemdik órkenıetter toǵysynda kóshbasshy memleketke aınalýy jolynda eńbek ete berýińizge tilektestik bildiremiz.
Táýelsiz Qazaq eliniń baqyty úshin týǵan О́zińizge myqty densaýlyq, uzaq ǵumyr, otbasyńyzǵa amandyq, zor baqyt tileımiz.
Qurmetpen, Serik PIRÁLIEV, Almaty aımaǵyndaǵy joǵary oqý oryndary rektorlary keńesiniń tóraǵasy, Abaı atyndaǵy Qazaq ulttyq pedagogıkalyq ýnıversıtetiniń rektory, professor.