Qazaqstan Prezıdenti Nursultan Nazarbaevtyń atyna memleket, úkimet basshylarynan, halyqaralyq uıymdardyń jetekshilerinen saılaýdaǵy jeńisine baılanysty quttyqtaýlar kelip túsýde.
* * *
Memleket basshysy Nursultan Nazarbaevty prezıdenttik saılaýdaǵy senimdi jeńisimen Italııa Respýblıkasynyń Prezıdenti Djordjıo Napolıtano quttyqtady. Quttyqtaýda bylaı delingen:
Qurmetti Prezıdent myrza,
Italııa halqynyń jáne jeke ózimniń atymnan Qazaqstan Respýblıkasynyń Prezıdenti qyzmetine qaıta saılanýyńyzǵa baılanysty shynaıy quttyqtaýymdy bildirýge ruqsat etińiz.
О́tken jyldarda Sizdiń elińiz Italııa energetıkalyq jáne ózge sektorlarda damyp kele jatqan jiti yntymaqtastyq arqyly kómektesýge qýanyshty bolatyndaı qýatty ekonomıkalyq ósimge qol jetkizdi.
Sizge, Joǵary mártebeli, eń ıgi tilekter jáne dostas Qazaqstan halqyna órkendeý tileımin.
* * *
Memleket basshysy Nursultan Nazarbaevty prezıdenttik saılaýdaǵy tamasha jeńisimen Bahreın Koroli Hamad ıbn Isa ál-Halıfa quttyqtady. Quttyqtaýda bylaı delingen:
Prezıdent myrza,
Sizdiń Qazaqstan Respýblıkasynyń Prezıdenti qyzmetine qaıta saılanýyńyzben Sizge jáne О́zińizge úlken senim bildirgen Qazaqstan halqyna shynaıy quttyqtaýym men tilegimdi joldaýǵa ruqsat etińiz.
Bizdiń halyqtarymyzdyń ıgiligi úshin bizdiń dostas elderimiz arasyndaǵy jaqyn jáne senimdi qatynastardyń odan ári damıtynynan úmittimin.