Bergeninen bereri kóp

Keshe Premer-Mınıstr Ká­rim Másimov Taraz qalasyna kelip, Jambyl oblystyq máslı­ha­tynyń kezekten tys sessııasyna qatysty. Sessııada oblys ákimin taǵaıyndaý týraly másele qara­lyp, Elbasynyń Jarlyǵymen ob­­lystyń ákimi bolyp qaıta ta­ǵaıyndalǵan Qanat Aldaber­gen­uly Bozymbaevtyń kandıdatý­ra­syn de­pýtattar biraýyzdan qoldady. Premer-Mınıstr budan keı­in oblys aktıvimen kezdesip, olar­ǵa El­basynyń Jarlyǵymen oblys ákimi bolyp Q. Bozymbaevtyń qaı­ta ta­ǵaı­yndalǵanyn habarlap, qut­tyqtady. Alda atqarylatyn ju­mys­tyń kóp ekenin aıtty. Q.Bozymbaev Elbasy se­nimin aqtaý­ǵa, sóıtip, óńirde ındýs­trııalyq-ınnovasııa­lyq, «Bıznestiń jol kartasy» sı­ıaqty eldiń áleý­mettik jáne ekono­mı­kalyq jaǵdaıyn jaq­sartatyn kóp­tegen baǵdarlama­lar­dy erekshe kúsh-jigermen júzege asyratynyna kópshilikti sendirdi. Q.Bozymbaevtyń Jambyl ob­ly­syna ákim bolyp taǵaıyn­dal­ǵanyna bir jyldan endi asty. Degenmen, ob­lysta ol atqarǵan sharýalar bar­shy­lyq. Aldaǵy jyl­darǵa jobalap ot­yr­ǵan jos­par­larynyń da eko­no­mı­kalyq jáne áleýmettik mańyzy zor. Demek, jas basshyǵa iske sát aıtamyz. Kósemáli SÁTTIBAIULY. Jambyl oblysy.