Jylý maýsymy aıaqtaldy. Nátıje qandaı?

Astanada ótken jylǵy qa­zan aıynda bastalǵan 2010-2011 jyldarǵa arnalǵan jylý berý maýsymy aıaqtaldy. Kúzgi-qysqy maýsymnyń qorytyn­dy­sy boıynsha keshe Astana ákim­diginde elorda ákimi Iman­ǵalı Tasmaǵambetovtiń tóraǵa­ly­ǵymen ótken jınalysta jy­lý berý maýsymyna daı­yn­dyq jáne ony ótkizý jónindegi qalalyq shtabtyń jetekshisi, ákimniń orynbasary Vasılıı Krylovtyń jáne qalanyń bir­qatar basqarmalary men kom­mýnaldyq kásiporyndary je­tek­shileriniń esebi tyńdaldy. Shtabtyń málimetterine sáı­kes, 2010-2011 jylǵy jylý berý maýsymynyń basyna turǵyn úı­ler júz paıyzǵa daıyn bolsa, 1836 turǵyn úıdiń 63-ine eskertýler jasalǵan daıyndyq pasporty tabys etilgen. Sondaı-aq jylý berý maýsymy bastalǵan soń 52 jańa kóp qabatty turǵyn úı kesheni paıdalanýǵa berilgen. Esepti kezeńde «051 qyzme­tine» ortalyqtanǵan jáne orta­lyqtanbaǵan jylý berý júıesine qosylǵan úılerde turatyn ha­lyq­tan negizinen páterde jylý bolmaý, jylý berýdiń tómen parametrlerine qatysty 863 ótinish pen shaǵymdar kelip túsken. Olar boıynsha tıisti sharalar qabyl­da­nyp, 2009-2010 jyldarǵy jylý berý maýsymynda bul kórsetkish 738 bolǵan-tyn. Bilim, mádenıet, densaýlyq saqtaý nysandarynyń 2010-2011 jyldardaǵy jylý berý maýsymyna daıyndyǵy asa joǵary deńgeıde bolǵan. Osy kezeńde memlekettik sanıtarlyq-epıdemıologııalyq qadaǵalaý departamenti bilim basqarmasymen birlesip 2007-2009 jyldarda paı­dalanýǵa berilgen jalpy bilim beretin mektepterdegi sanıtarlyq normalar men temperatýralyq rejimge sáıkestigin tekserip, monıtorıng júrgizgen. Elordanyń ortalyqtanbaǵan jylý berý júıesi aımaǵynda 529 qazany bar 306 avtonomdy qazan­dyq jylý taratsa, onyń ishinde 239 (400 qazan) suıyq otynmen jáne 67 (129 qazan) qatty otynmen jumys jasaıdy. Jylýmen qam­tý­dyń táýelsiz kestesine saı jumys isteıtin kóp qabatty turǵyn úı keshenderiniń 251-den 303-ke kó­beıýine baılanysty 2010 jylǵy 16 sáýirden bastap «Astana Jy­lý­tranzıt» AQ bazasynda PIK tóraǵalary men qyzmet kórse­te­tin ózge de mekemeler úshin jylý berýdi basqarýdyń avtomatty jú­ıesi men esepteý quraldaryn paıdalaný boıynsha arnaıy kýrstar uıymdastyrylyp, ol jerde 121 maman daıarlanǵan. Jeke turǵyn úı sektoryn sýmen qamtý úshin 593 sý kolonkasy or­natylyp, 411 kolonka aýys­ty­ryl­ǵan. Káriz kollektorlarynyń ju­my­syn jaqsartý men olardyń ót­kizý múmkindikterin qaıta qal­pyna keltirý maqsatynda aı saı­yn ma­gıs­traldy kollektorlarǵa gıdrodı­na­mıkalyq tazartylý ja­salyp ot­yr­sa, osy jylý berý maýsymynda 154 shaqyrym kollektor tazartylǵan. Qazirgi tańda qalanyń barlyq kommýnaldyq qyzmetteri men en­ergetıkalyq keshen kásip­oryn­da­ry 2011-2012 jyldardaǵy jylý berý maýsymyna daıyndyq sheń­be­rinde jóndeý baǵdarlamalaryn bekitip, ony júzege asyrýdy bastady. Ábdirahman QYDYRBEK.