Etnosaralyq kelisim – turaqtylyq negizi

Bizdiń elimizdiń eń basty jetistigi – ortaq Otanymyzdaǵy shynaıy saltanat qurǵan ultara­lyq kelisim, berik ornyqqan beıbitshilik pen turaqtylyq. Bul – ýaqyt shyndyǵy. Osynyń nátı­je­sinde elimiz óziniń memlekettigin nyǵaıtyp, túrli salalar boı­yn­sha reformalardy tabysty jú­zege asyrdy. Bular halyqtyń áleýmettik-ekonomıkalyq jaǵdaıy­nyń eselep artýyna erekshe yqpal etti. Onyń shapaǵatyn búginde barsha qazaq­stan­dyqtar jete sezinip otyr. Qazaqstanda qoǵamnyń barlyq sa­la­syn­da el azamattarynyń etnostyq teń qu­qylyǵy zańnamada bekitilip, táji­rı­be júzinde iske asyrylǵan.

Eń bas­ty­sy, elimizde etnosaralyq ózara yq­paldastyq­tyń basty tetigi retindegi biregeı qoǵam­dyq-saıası ınstıtýt – Qa­zaqstan halqy Assambleıasy qurylǵan. Ony Qazaqstan Respýblıkasynyń Tuń­ǵysh Prezıdenti Nur­sul­tan Nazarbaev bas­qarady. Memleket bas­shy­sy­nyń kóregendi saıa­sa­­ty­nyń ar­qasynda As­sam­­bleıanyń etnos­ara­lyq aýyz­bir­likti nyǵaı­tý­daǵy róli erek­she eken­­digin álem­­dik qoǵamdas­tyq tájirıbe júzin­de moı­yn­daǵan. Qa­zaqstandyq osynaý biregeı mo­deldi óz­de­rinde paıda­la­ný­ǵa kópte­gen memleketter qyzyǵýshylyq tany­typ otyrǵany bizdi shynaıy rızashy­lyqqa bóleıdi. Elimiz óz táýelsizdigin alǵan kezden bastap Prezıdentimiz etnostar ara­synda tatýlyq ornyqtyrýdy birinshi kezekke qoıdy. Olardyń tilin, salt-dástúrin, mádenıetin damytýlaryna memleket tarapynan jan-jaqty qoldaý kórsetildi.

Elbasy Nursultan Nazar­baevtyń basshy­ly­ǵymen kórsetilgen qamqorlyqty Qa­zaq­standa turyp jat­qan etnostar baryn­sha sezinip, ózde­ri­niń bolashaǵyna nyq senimmen qarady. Memleket basshy­sy­nyń eldiń keleshegine, ósip-órkendeýine, jan-jaqty da­mýyna baǵyttalǵan barlyq basta­malaryna qoldaý kórsetti. Olar­dyń júzege asyrylýyna belsene atsa­lys­ty. Qazir olar sonyń jemisin kórip otyr. Buǵan qatysty mysaldar da tolyp jatyr. Mysaly, elimizdegi etnos­tardyń barlyǵynyń derlik ulttyq-mádenı ortalyqtary qyzmet etedi. Ulttyq mektepter jumys isteıdi, telearnalar orys, uıǵyr, ózbek, taǵy basqa tilderde habar taratady. Merzimdi basylymdar da tu­raqty shyǵyp keledi. Osynyń barlyǵy Elbasynyń tikeleı basshylyǵymen bo­lyp jatqan ıgi de ómirsheń ister ekendigin biz óte jaqsy túsinemiz. Qazaqstan Respýblıkasynyń kezekten tys prezıdenttik saılaýynda qa­zaq­stan­dyqtar Nursultan Nazarbaevty Prezıdent etip qaıta saılady. El­basyna saı­laýshylardyń 95,55 paıyzy senim bildirip, óz daýystaryn berdi. Osylaısha, olar óz bolashaqtaryn, Táýelsiz Qazaq­stannyń ósip-órkendeýin Tuńǵysh Prezıdent Nursultan Nazarbaevpen ári qaraı baılanys­ty­ra­tyn­daryn kórsetti.

Mine, bul qazaq­stan­dyqtardyń Elbasyǵa, onyń júrgizip kele jatqan salıqaly saıa­satyna shyn júrekterimen sengendik­teri­niń naqty da jarqyn kórinisi dep bilemin. Al Qazaqstanda mekendeıtin saı­laýshy-etnostar ókilderiniń barlyǵy saılaýda Prezıdent Nursultan Nazar­baev­qa daýys berdi dep oılaımyn. О́ıt­keni, memleket quraýshy ultqa da, ózge etnostarǵa da turaqtylyq, tatýlyq, aýyz­birlik qashanda qajet. Elimizde ózek­ti bul másele sheshilgen, nyq ornyqqan. Onyń negizin qalaǵan, eńseli elimizdi álem jurtshylyǵyna tanytqan Prezıdentimiz Nursultan Nazarbaev! Prezıdenttik saılaý naýqany kezinde men Prezıdent N.Á.Nazarbaevtyń kandı­datýrasyn qoldaý jónindegi Al­maty qalalyq qoǵamdyq shtabynyń mú­shesi boldym. Qala boıynsha saılaý­shylarmen kóptegen kezdesýler ót­kizdik. Sondaǵy baıqaǵanym,  elektorat Prezıdentimizge erekshe qoldaý kór­setti.

Táýelsizdikten bergi kezeńderdegi elimizdiń qol jetkizgen tabystary, syrtqy saıasattaǵy jetistikteri, etnos­aralyq yntymaq, sheshimin tapqan ózge de máselelerdiń barlyǵy Mem­leket basshysynyń bilgirlikpen júr­­­gizgen saıasatynyń jemisi men ná­tıjesi ekendigi kezdesýler barysynda kó­rinip turdy. Osynyń túp negizinde birlik pen yntymaq, turaqtylyq pen tatýlyq jatyr. Birligimiz, yntymaǵymyz árqashan da jarasa bergeı.

Asımjan ZLAVDINOV,

Qazaqstan halqy Assambleıasynyń múshesi,  «Qazaqstan uıǵyrlary» respýblıkalyq etnomádenı qoǵamdyq birlestigi tóraǵasynyń orynbasary.

Almaty.