Yqylasty quttyqtaýlar, izgi tilekter

Qazaqstan Prezıdenti Nursultan Na­zar­­baev­­tyń atyna memleket, úkimet bas­shy­la­ry­nan, halyq­ara­lyq uıym­dar­dyń jetekshi­le­rinen saılaýdaǵy jeńi­si­ne baı­la­nysty quttyqtaýlar kelip túsýde. * * * Memleket basshysy Nursultan Nazar­baevty prezıdenttik saılaýdaǵy senimdi jeńisimen Cheh Respýblıkasynyń Prezıdenti Vaslav Klaýs quttyqtady. Quttyqtaýda bylaı delingen: Qurmetti Prezıdent myrza, Sizdi Qazaqstan Respýblıkasynyń Prezıdenti qyzmetine qaıta saılanýyńyzben Chehııa azamattarynyń jáne ózimniń atymnan quttyqtaýǵa ruhsat etińiz. Sizge, qurmetti Prezıdent myrza, densaý­lyq jáne tabystar tileımin. * * * Memleket basshysy Nursultan Nazar­baevty prezıdenttik saılaýdaǵy senimdi je­ńisimen Ulybrıtanııa jáne Soltústik Irlandııa Birikken Koroldiginiń Premer-mınıstri Devıd Kemeron quttyqtady. Qut­tyqtaýda bylaı delingen: Qurmetti Prezıdent myrza, Sizdiń Qazaqstan Respýblıkasynyń Prezıdenti qyzmetine qaıta saılanýyńyzǵa baılanysty ózimniń shynaıy nıetimdi bildirýge ruqsat etińiz. Birikken Koroldik Qazaqstanmen myqty, ashyq jáne damyp kele jatqan qatynastardy baǵalaı biledi. Men bizdiń elderimizdiń ekijaqty yntymaqtastyǵynyń barlyq baǵyttary boıynsha baılanysty nyǵaıtýdy jalǵastyrýdy taǵatsyzdana kútemin. * * * Memleket basshysy Nursultan Nazar­baev­ty prezıdenttik saılaýdaǵy senimdi je­ńisimen jáne ulyqtaý rásiminiń ótýimen Bel­gııa Koroli Albert II quttyqtady. Qut­tyqtaýda bylaı delingen: Qurmetti Prezıdent myrza, Sizdiń Qazaqstan Respýblıkasynyń Prezıdenti retindegi mandatqa qaıta ıe bolýyńyzǵa arnalǵan ulyqtaý rásiminiń ótýine baılanysty quttyqtaýymdy, sondaı-aq О́z ókilettigińizdi iske asyrýda eń ıgi tilegimdi bildirgim keledi. Barlyq qazaqstandyqtarǵa shyn kóńilimmen beıbitshilik, kelisim jáne ıgilik tileımin. * * * Memleket basshysy Nursultan Nazar­baevty prezıdenttik saılaýdaǵy tamasha jeńisimen Brýneı Memleketiniń Sultany Darýssalam Hassanal Bolkııah  quttyq­ta­dy. Quttyqtaýda bylaı delingen: Joǵary mártebeli, Sizdi Qazaqstan Respýblıkasy Prezı­denti­niń qyzmetine qaıta saılanýyńyzben quttyq­taýǵa ruqsat etińiz. Bizdiń ekijaqty qatynas­tarymyz, sondaı-aq IKU aıasyndaǵy ynty­maqtastyq alda da damıtynyna senemin. * * * Memleket basshysy Nursultan Nazar­baev­ty prezıdenttik saılaýdaǵy tamasha je­ńisimen Saýd Ara­bııasynyń Koroli Abdalla Ben Abdel Azız Ál Saýd quttyqtady. Quttyqtaýda bylaı delingen: Qurmetti Prezıdent myrza, Sizdiń prezıdenttik saılaýdaǵy jeńisińizge baılanysty Saýd Arabııasy Koroldiginiń úkimeti men halqynyń jáne jeke ózimniń atymnan Sizge shyn nıetti quttyqtaýymdy, sondaı-aq Sizge, Joǵary mártebeli, zor densaýlyq pen baqyt, dostas Qazaqstan halqyna odan ári gúldený men progress tilegen ıgi tilegimdi joldaǵanym úshin qýanyshtymyn. * * * Memleket basshysy Nursultan Nazarbaevty prezıdenttik saılaýdaǵy teńdessiz jeńisimen Saýd Arabııasy Koroldigi Premer-mınıstriniń orynbasary, taq murageri Sultan Ben Abdel Azız Ál Saýd ta quttyqtady.