Shappaı ber shabytker

Elimizde HHHII respýblı­ka­lyq jas oryndaýshylar baıqaýy márege jetti. Bul joly da P.Chaı­kovskıı atyndaǵy Almaty mý­zykalyq kolledjiniń stýdentteri jeńisti oryndardan taby­lyp, óz oqý oryndarynyń kásibı deń­geıin kórsetti. Bilim jáne ǵylym mınıstrligi uıymdastyrǵan baıqaýda al­dy­men pıanıster men ishekti aspapta oınaıtyndar Astana qala­synda jarysqa túsip, osy kol­ledjdiń 4-kýrs stýdenti Anton Markelov bas júldeni jeńip al­ǵan bolatyn. – Skrıpkashylar arasynda júrgen baıqaý barynsha salmaq­ty boldy. Men úshin Antonnyń jeńisi zańdylyq ta sııaqty. О́ıtkeni, ol belsendi shyǵarma­shy­lyq ıesi ǵana emes, pedagogpen jeńil úndese alatyn mý­zy­kant, – deıdi ustazy Nurlan Saǵymbaev. Osylaısha bas júl­dege laıyq atanǵan Anton Markelov baıqaýda Faýst opera­la­rynan, Mendelson shyǵarmala­rynan úzindiler oryndap, Qur­man­ǵazynyń E.Úsenov óńdegen «Tóremuratyn» óz deńgeıinde pash etti. Atalmysh kolledjdiń alt­shileri de óz sheberlikterimen ta­nylǵanyn aıta ketken jón desek, baıqaý dıplomanttary qata­rynda Janna-Marı Ja­qyp­be­ko­va, kontrabasshylar – Nııaz Úle­keshov pen Bekjan Ismaılov bar.  Bar bolǵany 2 jyl ǵa­na kontrabaspen aınalysyp júr­gen Bekjan úshin respýb­lı­kalyq baı­qaýdyń dıplomanty ataný – aıtarlyqtaı tabys. Al ózi óleń jazyp, kóp izdenetin Nııazdan da ustazdary úlken úmit kútedi. Sondaı-aq, ár kezeńdegi kom­po­zıtorlardyń shyǵarmalaryn naqyshyna keltire oryndap júr­gen  kolledj shákirtteri, forte­pı­a­noshylar – Shahnoza Matnazarova men Názigúl Arystambe­ko­va­lar­dyń da aty osy baıqaýda erekshe ataldy. Klassıkalyq mýzyka sala­sy­nyń keleshegin aıqyndaıtyn jas oryndaýshylardyń respýblı­ka­lyq baıqaýy jańa esimderdi jań­ǵyrtyp qana qoımaı, búkil sán-saltanatymen, aýqymdy­ly­ǵy­men de este qalmaq. Aınash ESALI. Almaty.