Jeńiske bergisiz jeńilis

Fýtboldan ótken Qazaqstan Kýboginiń 1/16 matchynda tańqa­larlyq talaı nátıjelerdiń bolǵandyǵy belgili. Premer-lıganyń qazirgi kóshbasshysy – Taldyqorǵannyń «Jetisýy» je­ńi­lip qaldy, elimizdiń vıse-chem­pıony – «Aqtóbe» de sheginis ja­­sa­dy. Qazaqstan chempıony Qos­­ta­naıdyń «Tobyly» oıyn­nan shy­ǵyp qala jazdady. Ravıl Sábıtovtiń jigitteri Almaty qalasynda birinshi lı­ga­daǵy Qorǵanys mınıstr­ligi­niń Ortalyq sport klýby – Sport komıtetiniń jasós­pi­rim­der komandasymen oınady. Bul ujym chempıonatta ózine úl­ken tapsyrmalar qoımaǵanymen, onyń basty maqsaty – sheberler koman­dasyna – Qazaqstan qurama­syna jasóspirimder men jastardan bilikti fýtbolshylar daıarlaý. Jas armııashylar qajet bolǵan jaǵ­daıda týrnır kestesindegi kósh­bas­shylardyń biri –  «Tobyl» ko­mandasymen saıysýǵa daıyn eken­dikterin kórsetti. Chempıonmen ashyq fýtbol oı­naý ońaı is emes ekendigin tú­sin­gen AOSK bas bapkeri Oleg Trofımov óz qaramaǵyndaǵylarǵa eń bastysy qaýipti aımaqtardy ja­bý­dy jáne qorǵanysta  uıym­shyl­­dyqpen oınaýdy tapsyrdy. Qostanaılyq­tarǵa alań ortasyna ótýge múm­kin­dik jasaǵan armııa­shy­lar olar­dyń odan ári qozǵa­lýy­na shek qoı­dy. Olar Qazaqstan fýtbol jul­dyz­daryn tegeýrindi qarsy alǵan­dary­men qataldyq ta­nytqan joq. Degenmen múmkindik bolǵan sátte qarsy shabýyl uıymdas­ty­ryp, qarsylastaryn sastyrǵany ras. Mundaı taktıka uzaq ýaqyt alań ıelerine tabys ákelgendeı boldy. Degenmen, oıynnyń 75 mınótinde qonaqtar AOSK-niń qorǵanysyn buzdy. Grıdınniń soqqan doby esep ashty. Jeńis osymen kelgendeı boldy. Biraq armııashylar da ońaı shaǵylatyn jańǵaq emestikterin kórsetti. Al­ǵa antalamaı qor­­ǵanysyn kú­sheıtip, qarsy shabýyl uıym­das­tyryp baqty. Negizgi ýaqyttyń aıaqtalýyna bes mınýt qalǵanda almatylyqtar esepti teńes­tir­di. Esep – 1:1. Qo­symsha ýaqyt kezinde armııa­shylardyń sha­býy­ly tipten kúsheıe túsip, «Tobyl» qaqpa­shysyn qaqpa­nyń kólde­neń aǵashy qutqaryp qaldy. Budan soń onbir metrlik aıyp dobyn soǵý bastaldy. Birazǵa de­ıin jeńimpaz anyq­talmady. Aqy­rynda «Tobyl» 5:4 esebimen je­ńiske jetip, AOSK kó­rer­men­derdiń qoshe­metine bó­lendi. Dastan KENJALIN.