Qoldaý kórsetýdi surady

Májilistiń jalpy oty­ry­synda depýtat Qabıbolla Jaqypov áriptesteri Vık­tor Kııanskıı, Elena Tarasenko, Amanjan Jamalov, Shavhat О́temisov, Irak Elekeev atynan Úkimet pen Par­lament depýtattaryna ún­deý joldady. Ol sý tas­qynynan zardap shekken Ba­tys Qazaqstan oblysynyń búgingi jaı-kúıin baıandady. Jýyrda parlamentshiler Aq­jaıyq óńirine arnaıy baryp qaıtqan bolatyn. Sol saparda túsirilgen beınetaspa kórsetildi. Depýtat Q.Jaqypov Oral qalasy men oblystyń Aqjaıyq, Zelenov, Tasqala, Terekti aýdan­da­ry­nyń sý astynda qalǵanyn aıtty. Qazir arnaıy komıssııa tabıǵat apatynan kelgen materıaldyq shy­ǵyndy esepteý ústinde. Sýǵa ketken úılerdiń sany – 1 myń 478. Sonymen qatar, 7 myń 146 saıajaı úıi, 26 bilim berý ny­sany, 8 emdeý mekemesi, 5 máde­nıet kesheni sý astynda qalǵan. Munyń syrtynda sý jaıyl­ǵan eldi mekenderdiń ınfraqu­rylymdary, avtokólik joldary, elektr jelileri, stansalar, telefon baılanysy, gazben qamtý salalary isten shyqty. Aýyl sharýashylyǵy aıtarlyqtaı zardap shekti. Dıqandar kóktemgi egiske qajetti tuqymnan aıyryl­dy. Mal sharýashylyǵy da shy­ǵynǵa ushyrady. Búgingi tańda apat aýmaǵynan 9 myńdaı adam kóshirilgen. Osy jaǵdaıǵa baılanysty al­ǵashqy kúnnen bastap qoldaý bildirgeni úshin depýtattar Elba­sy­na, Qazaqstannyń barsha turǵyn­daryna alǵystaryn jetkizdi. Degenmen, aldymyzda apat­tyń zardabyn qalpyna keltirý jumystary kútip tur. Qansha qarjy qajet ekeni anyqtalýda. Osy oraıda respýblıkalyq bıýdjetten qarjy bólýge yqpal etý suraldy. Májilis Tóraǵasy Oral Mu­hamedjanov bul máselege baı­la­nysty jýyrda «Nur Otan» HDP fraksııasynyń tóralqasy «Nur Otan» HDP fraksııasy atynan sý tasqynynan zardap shekken Ba­tys Qazaqstan oblysynyń tur­ǵyndaryna bir kúndik eńbekaqy kóleminde kómek kórsetý týraly sheshim qabyldaǵanyn jetkizdi. Aıbatyr SEITAQ, jýrnalıst.