Atyraý oblysy boıynsha bas memlekettik ekologııalyq ınspektory Qanat Qalmuqannyń aıtýynsha, atalǵan munaı kompanııasy Teńiz ken ornynda ekologııalyq ruqsatsyz 33 mln kýbometrden astam gaz jaqqan. Sol úshin 4 mlrd 845 mln teńge aıyppul salyndy. Al ken orny ornalasqan Jylyoı aýdanynyń turǵyndary ekologııalyq ahýaldyń jyl sanap nasharlap bara jatqanyna alańdaýly. «Teńizshevroıl» kompanııasynyń Úkimetpen jáne buqaramen baılanys bóliminiń bas menedjeri Rzabek Artyǵalıev elektr energııasy óshken nemese basqa da óndiristik aqaýlar bolǵan kezde ýly gazdardyń aýaǵa taralmaýy úshin zaýyttaǵy qondyrǵyny ózgertemiz deıdi. Sondaı-aq, ekinshi býyn zaýytynda kómirsýtegilerdiń drenaj júıesi almastyrylady. Tabıǵat qorǵaý sharalaryna qyrýar qarjy qaralǵanymen, nátıje áli az.
Aýa lastaýdan óńirdegi basqa da iri kásiporyndar qalysar emes. О́tken jyldyń ózinde atyraýlyq ekologtar 30 apatty jaǵdaıdy anyqtaǵan. Ilespe gazdy alaý arqyly jaǵý faktileri «Embimunaıgaz» kompanııasy men «Bolashaq» zaýytynda da tirkeldi. Aýany búldirip, sol úshin aıyppul tólep qarap otyrý ádetke aınalyp barady.
Baqytgúl BABASh,
«Egemen Qazaqstan».
ATYRAÝ