Desek te, Saıyn Muratbekovtiń arýaǵynyń aldyndaǵy paryzdy biz, jerlesteri áli de bolsa tolyqqandy atqara almaı júrgenimizdi kúlli qazaqtyń aldynda qalaı túsindiremiz?
Osy rette shyryldap jazýshynyń týǵan qaryndasy Maıra Muratbekova ǵana júgirip júr. Týma talantty zııaly qaýym umytpaı, Jazýshylar odaǵynyń tóraǵasy Nurlan Orazalın «Ádebıetimizde úlken orny bar qalamgerdiń esimin el esinde máńgi saqtaý maqsatynda Taldyqorǵan qalasyndaǵy №9 mektepke Saıyn Muratbekov atynyń berilýine yqpal etýińizdi suraımyz» dep jazǵan hatyn Almaty oblysynyń ákimi Amandyq Batalov esh kidirissiz júzege asyrý úshin Taldyqorǵan qalalyq ákimdigine joldaıdy. Birden zańnama sheńberinde qadam jasalyp, osy ıgi qadamdy atalǵan mekteptegi 102 muǵalimniń qýana qoldaıtyndyǵy týraly jeke qoldary qoıylǵan hattama ózge de qujattarmen birge qala ákimi orynbasarynyń rastaýymen Almaty oblystyq onomastıkalyq komıssııasynyń bekitýine 07.10.2016 jyly jiberilgen. Biraq syrǵytpa jaýappen másele ashy ishekshe sozylýda. Sondyqtan, oblys ákiminiń orynbasary Jaqsylyq Omar jaqynda jýrnalıstermen beıresmı kezdesý ótkizgende biz osy máseleni kótergen edik.
О́ńir basshysynyń orynbasary onomastıkalyq komıssııa jumysynyń retsizdigin, kezinde tamyr-tanystyq pen aǵaıyndyqqa jol berilgenin ótkir synap alyp, qazaqtyń Saıynynyń jóni bólektigin basa aıtty. Oryndy sózdi jýrnalıster qoldap: «Ol qazaqtyń Saıyny ǵoı. Oqýshylar Saıyn Muratbekovtiń shyǵarmalarymen burynǵydan da jaqyn tanysýyna nege jol ashpasqa. Qaıta sol mektep túlekteri maqtanatyn bolady», degen soń, óńir basshysynyń orynbasary bul másele taıaý ýaqytta naqty sheshimin tabatyndyǵyn basyn ashyp aıtqan. Endi tıisti orynnyń resmı bekitýin kútemiz.
Sóıtip, zııaly qaýymnan bastaý alyp, halyq pen bılikten qoldaý tapqan kózaıym habardy el gazeti «Egemenniń» oqyrmandaryna súıinshilep jetkizýge asyqtyq.
Nurbol ÁLDIBAEV,
«Egemen Qazaqstan»
TALDYQORǴAN