Dúısenbige qaraǵan túni NATO-nyń avıasııasy Trıpolıdegi úkimettik ǵımarattar keshenine qýatty soqqy jasady.
Sarapshylardyń aıtýynsha, shabýyldyń negizgi maqsaty Lıvııa kósemi Mýammar Kaddafıdiń kózin qurtý bolǵan. Lıvııalyq oppozısııa beıbit kelisimniń bastalýyn Kaddafıdiń úzildi-kesildi ketýimen baılanystyryp otyrǵandyqtan, ony joıý janjaldy beıbit sheshý jolyndaǵy kedergilerdi alyp tastar edi. Zymyrandyq-bombalyq soqqynyń úkimet ǵımarattary ornalasqan aýdanǵa baǵyttalǵanyna qaramastan Kaddafı odan zardap shekpegen kórinedi.
RIM PAPASY BEIBITShILIKKE ShAQYRDY
Katolıkter men pravoslavıelikter bıyl bir kúnde atap ótip otyrǵan Isanyń Jarqyn Jeksenbisi kúninde Rım Papasy Benedıkt HVI ondaǵan myń dindarlarǵa arnap sóz sóıledi. Kóktiń júzi beıbitshilik pen qýanyshqa bólenýde, biraq kedeıshilik, aýrý men asharshylyq jaılaǵan jerge qatysty ony olaı aıta almaısyń, dep atap ótti Benedıkt HVI. Ol Soltústik Afrıka men Taıaý Shyǵys elderindegi, onyń ishinde Lıvııadaǵy búginde oryn alǵan jaǵdaıǵa basa nazar aýdardy. Pontıfık Lıvııadaǵy dıplomatııa men únqatysýdyń qarýly qaqtyǵystardy almastyratynyna óz senimin bildirdi. Ol sol sııaqty týǵan jerlerin tastap ketýge májbúr bolǵan bosqyndarmen jáne emıgranttarmen óziniń yntymaqtas ekenin jetkizdi.
OBAMAǴA EKI JAQ TA RENJÝLI
AQSh prezıdenti Barak Obama ózi bılikke kelgen kezden bastap úshinshi ret ótken ǵasyrdyń basynda qyrǵynǵa ushyraǵan armıan qurbandaryn eske alý kúnine oraı AQSh-taǵy armıan qaýymdastyǵyna dástúrli joldaýyn arnady. О́ziniń jazbasha joldaýynda AQSh prezıdenti Osmandyq Túrkııanyń 1,5 mıllıon armıandy qyrýyn «HH ǵasyrdaǵy eń úlken qylmystardyń biri» dep atady. Sol sııaqty ol tarıhtyń daýly betteriniń turaqsyzdyq týyndatyp, óz ómirlerin qıǵandar arýaǵyna kóleńke túsiretinin atap ótti. Biraq Obamanyń sózi armıandar jaǵynyń da, sol sııaqty túrikter tarapynyń da kóńilinen shyqqan joq. Armıandar genosıd faktisin moıyndamady dep kinálasa, túrikter AQSh prezıdentiniń sózinen taǵy da tarıhqa degen syńarjaq kózqaras baıqalady dep aıyptady.
TUTQYNDAR TÚRMEDEN QAShTY
Aýǵanstannyń ońtústiginde ornalasqan Qandaǵar túrmesinen kóptegen tutqyn qashyp ketken. Olardyń júzden astamy terrorlyq aktiler men qarýly shabýyldar jasaǵany úshin sottalǵan «Talıban» qozǵalysynyń dala komandırleri. Qandaǵar provınsııasy qaýipsizdik basqarmasy bastyǵynyń orynbasary Nasrýlla Iýsýfzaıdyń aıtýynsha, tutqyndar túrmeniń qabyrǵasynyń astyn qazyp, Aleksandr Makedonskıı kezinde salynǵan jerasty kommýnıkasııalary arqyly bostandyqqa shyqqan. Tutqyndardyń qashýyna kúzetshilerdiń nazaryn basqa jaqqa aýdarý arqyly «Talıban» qozǵalysy qoldaý kórsetken kórinedi.
QAQTYǴYS BÁSEŃSIMEI TUR
Taıland pen Kambodja aýmaqtyq janjalǵa baılanysty tórt kúnnen beri qarýly qaqtyǵystar júrip jatqan shekaralyq aýdanǵa qosymsha áskerler tartýda. Keshe brondy tehnıkaly jáne aýyr qarýlanǵan qosymsha áskerı bólimder shoǵyrlandyrylǵan kórinedi. Janjal bastalǵan ýaqyttan beri 12 adam qaza taýyp, 40-qa tarta adam zardap shekken. Eki jaqtan da birneshe myńdaǵan turǵyn shekara boıyndaǵy derevnıalardan basqa jaqtarǵa kóshirilgen. Resmı málimet boıynsha Taıland pen Kambodja HII ǵasyrda salynǵan eki kóne hramnyń qaı elge jatatynyn sheshe almaı keledi.
EREÝILShILERGE OQ ATYLDY
Dúısenbi kúni Sırııanyń Daraa qalasyna kirgen ásker kúshi ereýilshilerge qarsy oq atqan. Qalada jaryq pen telefon baılanysy óshirilgen. Kýágerlerdiń aıtýynsha, Daraa qalasyna barlyǵy 3 myńdaı áskerı engizilgen kórinedi. Sol sııaqty áskerılerdiń qala ortalyǵyna qoıylǵan brondalǵan aýyr tehnıkany qoldanǵandyǵy týraly da málimetter bar. Ázirge qaza tapqandar men jaraly bolǵandardyń sany týraly naqty málimetter joq.
BEIBASTAQ PASTORǴA TYIYM SALYNDY
Amerıkalyq pastor Terrı Djonsqa Qurandy órteýge jáne AQSh-taǵy eń iri sanalatyn Mıchıgandaǵy meshitke jaqyndaýǵa tyıym salyndy. Djons «turǵyndar tynyshtyǵyna qater tóndirgeni úshin» 1 dollar mólsherinde aıyp tóleýden bas tartqan kezde ony túrmege qamap, biraq bir saǵattan keıin qaıtadan bosatyp jibergen bolatyn. Florıda shtatynyń beıbastaq pastory ótken jumada AQSh-taǵy eń iri meshitte ıslamǵa qarsy aksııa ótkizýdi josparlaǵan edi. Biraq Qurandy taǵy da órtemek bolǵan pastor sottyń aldynan bir-aq shyqty.
Internet materıaldary negizinde ázirlendi.