2011 jylǵy 8 aqpan, Astana, Úkimet úıi
Jer qoınaýy týraly geologııalyq jáne ózge de aqparatty jer qoınaýyn zertteý men paıdalaný jónindegi ýákiletti organǵa saqtaý, júıeleý jáne jınaqtaý úshin aqysyz berý qaǵıdasyn bekitý týraly
«Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy 11-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jer qoınaýy týraly geologııalyq jáne ózge de aqparatty jer qoınaýyn zertteý men paıdalaný jónindegi ýákiletti organǵa saqtaý, júıeleý jáne jınaqtaý úshin aqysyz berý qaǵıdasy bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 8 aqpandaǵy №89 qaýlysymen bekitilgen
Jer qoınaýy týraly geologııalyq jáne ózge de aqparatty jer qoınaýyn zertteý men paıdalaný jónindegi ýákiletti organǵa saqtaý, júıeleý jáne jınaqtaý úshin aqysyz berý qaǵıdasy
1. Jalpy erejeler
1. Osy Qaǵıda «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy (budan ári -Zań) 11-babynyń 2-tarmaǵyna sáıkes ázirlengen jáne jer qoınaýy týraly geologııalyq jáne ózge de aqparatty jer qoınaýyn zertteý men paıdalaný jónindegi ýákiletti organǵa saqtaý, júıeleý jáne jınaqtaý úshin aqysyz berýdiń tártibin, nysandaryn jáne usyný merzimin anyqtaıdy.
2. Jer qoınaýyn paıdalanýshylar jer qoınaýyn zertteý men paıdalaný jónindegi ýákiletti organǵa (budan ári – ýákiletti organ) saqtaý, júıeleý jáne jınaqtaý úshin aqysyz berýge:
1) jer qoınaýyn paıdalaný jónindegi operasııalardy júrgizý úderisinde jer qoınaýyn paıdalanýshy alǵan jáne jer qoınaýyn paıdalaný obektileriniń jaı-kúıin sıpattaıtyn taý-ken qazbalarynyń jáne uńǵymalardyń geologııalyq, geohımııalyq, geofızıkalyq, gıdrogeologııalyq, geomorfologııalyq, jobalaý jáne naqty tehnıkalyq qujattamasy (budan ári –aqparat);
2) bastapqy geologııalyq aqparat, tektonıkalyq málimetter, uńǵymalar jónindegi aqparat, boljamdyq resýrstar jáne ken oryndarynyń, jer qoınaýyn paıdalaný jónindegi operasııalar júrgiziletin kelisimsharttyq aýmaqtaǵy jumystar ýchaskesi men obektileriniń teńgerimdik qorlary (budan ári – bastapqy aqparat);
3) burǵylaý uńǵymalarynyń kernimen, munaı, sý, gaz synamalarymen, tas materıalynyń úlgilerimen, synamalarymen jáne kolleksııalarymen, tastilimdermen, taskesimdermen, mıneraldyq eritindilermen jáne untaqtarmen usynylǵan tabıǵı (budan ári – zattyq aqparat) jetkizgishterdegi aqparat;
4) dalalyq baqylaýlar jýrnaldarynda jáne basqa qujattamalarda, onyń ishinde synama jasaý, synamalardy taldaý, geofızıkalyq baqylaýlardy
(budan ári – dalalyq aqparat) tirkeý jýrnaldarynda beınelengen tabıǵı (qaǵaz jáne elektrondyq) jetkizgishterdegi aqparat jatady.
3. Zańnyń 20-babynyń 14) tarmaqshasyna sáıkes mıneraldyq shıkizatty bastapqy óńdeýdi (baıytýdy) qosa alǵanda, jer qoınaýyn paıdalanýshyǵa berilgen aqparattyń jáne dalalyq aqparat negizinde ýákiletti organ jer qoınaýynyń utymdy jene keshendi paıdalanylýyn baqylaýdy júzege asyrady.
2. Jer qoınaýy týraly geologııalyq jáne ózge de aqparatty jer
qoınaýyn zertteý men paıdalaný jónindegi ýákiletti organǵa saqtaý,
júıeleý jáne jınaqtaý úshin aqysyz berý tártibi
4. Jer qoınaýyn paıdalanýshylar aýmaqtyq tıistiligi boıynsha ýákiletti organnyń óńiraralyq departamentine (budan ári – О́D) toqsan saıyn esepti kezeńnen keıingi aıdyń 15 (on besinshi) kúnine deıingi merzimde beredi.
5. Ýákiletti organnyń óńiraralyq departamentteri aýmaqtyq tıistiligi boıynsha jınaqtalǵan aqparatty ýákiletti organǵa esepti kezeńnen keıingi ekinshi aıdyń 1 (birinshi) kúnine deıin joldaıdy.
6. Aqparat elektrondyq túrde usynylady jáne jer qoınaýyn paıdalanýshynyń birinshi basshysynyń nemese ony almastyratyn adamnyń elektrondyq-sıfrlyq qolymen rastalady.
7. Elektrondyq túrdegi aqparatty usynǵan kezde ýákiletti organ elektrondyq túrdegi aqparattyń formatyn jáne berilý tásilin aıqyndaıdy jáne olardy resmı ınternet-resýrsta ornalastyrady.
8. Elektrondyq túrdegi aqparat ruqsat etilmegen qol jetkizýden qorǵaýdy qamtamasyz etetin bólingen baılanys arnalary boıynsha beriledi jáne derekterdi arnaıy elektrondyq saqtaý ornynda ornalastyrylady, sol arqyly ýákiletti organnyń aqparatqa qol jetkizýin jáne múddeli memlekettik organdardyń saýaldaryna jaýaptardy qamtamasyz etiledi.
9.Zattyq aqparatty ýákiletti organnyń resmı saýaly boıynsha jer qoınaýyn paıdalanýshy osyndaı saýaldy alǵan kúninen bastap kúntizbelik 30 (otyz) jumys kúni ishinde usynady.
10. Jer qoınaýyn paıdalanýshy zattyq tabıǵı materıaldy tasymaldaý qaýipsizdigin jáne saqtaýdy qamtamasyz etetin tıisti oramada materıaldardyń úlgileri, synamalardyń telnusqalary jáne taǵy basqalary túrinde usynady.
11. Jer qoınaýyn paıdalanýshy zattyq aqparatty óńirlik saqtaý oryndaryna usynady, sol arqyly qaýipsiz saqtaý, ýákiletti organnyń tabıǵı materıalǵa qoljetimdiligi jáne qajetti zerthanalyq-taldaý zertteýleri qamtamasyz etiledi.
12. Kelisimsharttyq aýmaqta jumystar tolyq aıaqtalǵannan keıin jer qoınaýyn paıdalanýshy dalalyq qujattamany ýákiletti organǵa beredi.
13.Jer qoınaýyn paıdalanýshynyń aqysyz berýge jatatyn aqparaty paıdaly qazbalardy barlaý jáne/nemese óndirý boıynsha bekitilgen jobalyq sheshimderdi oryndaýdyń jobalyq jáne naqty qol jetkizgen kórsetkishterin quraıdy.
14.Eseptik kórsetkishterdiń jınaqtalymyn jer qoınaýyn paıdalanýshy paıdaly qazbalardyń ken oryndaryn izdeýdiń, baǵalaýdyń jáne ázirleýdiń bekitilgen jobalyq qujattarynyń negizinde qalyptastyrady jáne ol kórsetkishterdiń mynadaı toptaryn:
geologııalyq barlaý jumystarynyń kólemderin;
taý-ken jáne daıyndyq jumystarynyń kólemderin;
paıdalanýdaǵy burǵylaýdyń kólemderin;
óndirýdiń tásilderi men ónimniń parametrlerin;
tehnıkalyq jáne tehnologııalyq sheshimderdi;
paıdaly qazbalardy óndirýdi;
paıdaly qazbanyń ysyraptaryn;
paıdaly qazbanyń mardymsyzdanýyn;
paıdaly qazbanyń sapasyn;
taýarlyq kenniń jáne paıdaly qazbany qaıta óńdeý ónimderiniń sapalyq jáne sandyq sıpattamasyn;
paıdaly qazbany qaıta óńdeýdi jáne metallýrgııalyq qaıta bólýdi;
iske asyrý jáne qarjylyq kórsetkishterin;
ken oryndarynda esepti kezeńde óńdeletin uńǵylaý birlikterin (uńǵymalar) qamtýy tıis.
Kórsetkishterdiń kórsetilgen toptary ýákiletti organ resmı ınternet-resýrsyna ornalastyratyn eseptiliktiń elektrondyq nysandarynda naqtylanady.