Atyraý jurtshylyǵy aıtyp kelmeıtin apattyń zardaby qandaı bolaryn jaqsy biledi. О́ńirde 1993 jylǵy kóktemde Qyzylqoǵa, Jylyoı aýdandary sý tasqynynan qatty zardap shekti. Sol kezde elimizdiń ár túkpirinen kómek keldi. Endi sondaı apattyń zardabyn kórshiles Batys Qazaqstan oblysyndaǵy aǵaıynnyń kórýi barshany qınaltýda. Mundaıda qandaı kómek te artyq etpeıdi.
Ár mekeme ujymy, ár otbasy kómek qolyn sozǵysy keledi. Atyraý oblysynyń sýdıalary bir kúndik jalaqylaryn, ıaǵnı 750 000 myń teńgeni Batys Qazaqstan oblysynda ashylǵan qaıyrymdylyq qoryna aýdardy. Al oblystyq máslıhat depýtattary kezekten tys sessııada batysqazaqstandyqtarǵa 100 mıllıon teńge kóleminde qarjylaı kómek kórsetý jónindegi usynysty qýattady. Sessııaǵa qatysqan oblys ákiminiń birinshi orynbasary Bolat Dáýkenovtiń aıtýynsha, Atyraý oblysy tek qarjylaı qoldaý berýmen shektelip qalmaıdy. Buǵan qosa Batys Qazaqstan oblysyna qurylys materıaldary, janar-jaǵarmaı jiberiledi.
Joldasbek ShО́PEǴUL.
Atyraý oblysy.