Qalamgerge qurmet kórsetti

Álmashulynyń mereıtoıyn týǵan óńiri toılap ótkenin aıtý abzal. Onyń ómiri men shyǵarmashylyǵyna arnalǵan derekti fılm de túsirildi. «Qa­zaqstan» telearnasy­ nyń «Da­­ra jol» baǵdarlamasyna da shyq­­ty. Bul joly L.N.Gýmılev atyn­daǵy Eýrazııa ulttyq ýnı­ver­sıtetiniń ustazdarymen jáne stýdentterimen júzdesti.

Áserli ádebı kesh jýrnalıs­tıka kafedrasy stýdentteriniń ja­­zýshy shyǵarmasynan úzin­­diler oqýymen bastaldy. So­nan soń quzyretti or­gandar ta­­­rapynan qalamgerdi qut­tyq­taǵan hattar shoǵyry tyń­dal­dy. Eń aldymen Úkimet bas­­shy­­­sy men Premer-Mınıstr ke­­ń­­sesi basshysy oryn­ba­sa­ry­­nyń quttyqtaýyn Pre­mer-Mı­nıstr keńsesiniń bas ınspektory Gúlmıra Bo­ta­naeva oqyp berdi. Mádenıet já­ne sport mınıstriniń qut­tyq­taý­y­men Tilderdi damytý jáne qo­ǵamdyq saıası jumys komıteti tó­raǵasynyń orynbasary Ǵa­lym­jan Meldeshov, al Bilim já­ne ǵylym mınıstri men EUÝ rek­torynyń quttyqtaýymen atal­mysh oqý ornynyń pro­rek­to­ry Dıhan Qamzabekuly tanystyrdy. 

Onyń «Oıanǵan urpaq» romany búgingi kún taqyrybyna arnalǵan. О́tirikten alys qo­ný­ǵa talpynǵan jastardyń oı-sezimderindegi, is-áreket­te­rin­­degi arpalys­ty beıneleıtin shy­ǵarma. Zamannyń tamyryn tap basyp jazý úshin talant qa­jet. Al ótkendi zerdeleýge, tú­si­nikti etip jazýǵa bilim kerek. Mem­lekettik syılyqtyń ıegeri, jazýshy Aldan Smaıyldyń áriptesiniń shyǵarmashylyǵy týraly pikiri osy turǵydan ór­bidi. Ol árbir jýrnalıstiń saıa­sattan, árbir jazýshy men aqyn­nyń tarıhtan habary bol­maǵy shart ekenin aıtty. «Aqyn ne jazýshy bolǵan soń tarıhshy bolýyń kerek. Elińniń rýhanı murasyn biletin rýhanı zerger bolýyń qajet. Halqyńnyń jú­reginde qandaı arman bar ekenin bilmeseń, jazýshy b­o­la almaısyń. Qyzylorda ob­ly­syndaǵy Jańaqorǵan aý­danynyń eń aýyr tarıhyn jaz­ǵan Joltaı jerlesteri al­dyn­daǵy paryzyn ótedi dep oılaımyn. Ashtyq jyldarynda, qýǵyn-súrgin kezeńinde el Qara­taýdy tastap, Aýǵanstanǵa, basqa jaqtarǵa da ótip ketken. Bul tek otyzynshy jyldar oıranynan qınalǵan eldiń emes, rýhy jasyǵan, dástúrinen qol úzip, sa­nasynan jańylǵan hal­qy­myz­dyń tragedııasy edi. Osy­ny jazýshy tereńnen tol­ǵap jaz­dy. Al onyń búginniń kel­be­tin somdaıtyn týyndylary bir tóbe. Shyn máninde búgingi kún týraly jazý, ony júrekten ótkizip jazý óte qıyn», dedi Aldan Smaıyl.

Ǵylymda da izi bar, drama­týrgııasy men prozasy qos qa­na­tyndaı qalamgerdiń mereıtoıyna astanalyq zııaly qaýym kóp jınaldy. Olar qalamger­diń shyǵarmashylyǵyna qatysty oı-pikirlerin árqaısysy ózin­she órnektedi. Kesh barysyn­­­­da stýdentter tarapynan qalam­ger shyǵarmalarynan úzindi­ler oqyl­dy, án-kúıleri tartý etildi.

Aıgúl SEIILOVA,

«Egemen Qazaqstan»