Qazaqstan Parlamenti Májilisiniń depýtaty Serik Temirbolatov Iran Islam Respýblıkasy Medjlısiniń depýtaty Hodjat-ál Islam Seıed Reza Akramımen júzdesti, dep habarlady osy palatanyń baspasóz qyzmeti.
Taraptar kezdesýde Qazaqstan men Iran arasyndaǵy qarym-qatynasty damytý, parlamentaralyq yntymaqtastyqty nyǵaıtý týraly oılaryn ortaǵa saldy. Sondaı-aq, saýda-ekonomıkalyq yntymaqtastyqty jáne áleýmettik-gýmanıtarlyq saladaǵy baılanysty óristetý jaıy sóz boldy.
Kezdesýde aýǵan máselesi qozǵaldy. S.Temirbolatov bul máseleni aýǵan halqynyń múddesi turǵysynan sheshý qajettigin aıtty. Sonymen qatar, suhbattasýshylar ekstremızmge, terrorızmge jáne esirtkige qarsy kúreske basa nazar aýdarý qajettigin atap kórsetti.