Elimizge tanymal qalamger Qazıhan Qabdeldiń jýrnalıstik sheberligin, onyń qalamynan týǵan kókeıkesti maqalalaryn jurtshylyq jaqsy biledi. Onyń «Egemenniń» Atyraýdaǵy menshikti tilshisi bolǵan 15 jyldaı merzimde munaıly óńirdiń áleýmettik-ekonomıkalyq órkendeýine, túıindi máseleleriniń oń sheshilýine qosqan úlesi aıryqsha. Zeınetkerlik demalysqa bas basylymnan shyqqan ardager-qalamgerge «Qazaqstannyń qurmetti jýrnalısi» ataǵy berildi.
Kásibı mereke qarsańynda «Egemenniń» ardagerine qurmetti ataqtyń kýáligi men óńir belgisin Qazaqstan jýrnalıster odaǵy Atyraý fılıalynyń tóraǵasy Qýandyq Batyrov saltanatty shara barysynda tabystady.
Joldasbek ShО́PEǴUL.
Atyraý oblysy.