2011 jylǵy 1 maýsym Astana, Úkimet úıi
Memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý qaǵıdasyn bekitý týraly
«Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 9-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý qaǵıdasy bekitilsin.
2. Mynalardyń kúshi joıyldy dep tanylsyn:
1) «Memlekettik múlikti memlekettik menshiktiń bir túrinen ekinshi túrine berý erejesin bekitý týraly» Qazaqstan Respýblıkasy Úkimetiniń 2003 jylǵy 22 qańtardaǵy №81 qaýlysy (Qazaqstan Respýblıkasynyń PÚAJ-y, 2003 j., № 3, 38-qujat);
2) «Qazaqstan Respýblıkasy Úkimetiniń 2003 jylǵy 22 qańtardaǵy № 81 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2010 jylǵy 10 qyrkúıektegi № 927 qaýlysy (Qazaqstan Respýblıkasynyń PÚAJ-y, 2010 j., № 51, 482-qujat).
3. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV
Qazaqstan Respýblıkasy Úkimetiniń 2011 jylǵy «1» maýsymdaǵy №616 qaýlysymen bekitilgen
Memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý qaǵıdasy
1. Osy Memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý qaǵıdasy (budan ári – Qaǵıda) «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 9-babynyń 2-tarmaǵyna sáıkes ázirlengen jáne memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý tártibin aıqyndaıdy.
2. Memlekettik zańdy tulǵalarǵa bekitilip berilgen memlekettik múlikti memlekettik menshiktiń bir túrinen ekinshisine berý mynadaı tártippen júzege asyrylady:
1) múliktik keshender retindegi respýblıkalyq zańdy tulǵalar, respýblıkalyq menshiktegi aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtaldaryndaǵy qatysý úlesteri kommýnaldyq menshikke oblys (respýblıkalyq mańyzy bar qala, astana) ákiminiń qoldaýhaty negizinde Qazaqstan Respýblıkasy Úkimetiniń sheshimi boıynsha beriledi;
2) respýblıkalyq zańdy tulǵalardyń múlki kommýnaldyq menshikke oblys (respýblıkalyq mańyzy bar qala, astana) ákiminiń qoldaýhaty negizinde:
veterınarııalyq preparattardy qospaǵanda, teńgerimdik quny berý kúnine otyz myń jáne odan kóp eń tómengi eseptik kórsetkish mólsherinde bolǵan kezde – Qazaqstan Respýblıkasy Úkimetiniń sheshimi boıynsha;
veterınarııalyq preparattardy qospaǵanda, berý kúnine teńgerimdik quny otyz myń eń tómengi eseptik kórsetkish mólsherinen kem bolǵan kezde – memlekettik múlikti basqarý jónindegi ýákiletti organnyń beriletin múlik teńgeriminde turǵan respýblıkalyq zańdy tulǵany basqarýdy júzege asyratyn tıisti salanyń ýákiletti organymen kelisilgen sheshimi boıynsha;
teńgerimdik qunyna karamastan veterınarııalyq preparattar memlekettik múlikti basqarý jónindegi ýákiletti organnyń veterırınarııa salasyndaǵy ýákiletti memlekettik organmen kelisilgen sheshimi boıynsha beriledi;
3) múliktik keshender retindegi kommýnaldyq zańdy tulǵalar, kommýnaldyq menshiktegi aksıonerlik qoǵamdardyń aksııalary men jaýapkershiligi shekteýli seriktestikterdiń jarǵylyq kapıtaldaryndaǵy qatysý úlesteri respýblıkalyq menshikke oblys (respýblıkalyq mańyzy bar qala, astana) ákimdigi qaýlysynyń jáne Qazaqstan Respýblıkasy Úkimetiniń respýblıkalyq menshikke qabyldaý týraly qaýlysynyń negizinde beriledi;
4) kommýnaldyq zańdy tulǵalardyń múlki respýblıkalyq menshikke oblys (respýblıkalyq mańyzy bar qala, astana) ákimdiginiń memlekettik múlikti basqarý jónindegi ýákiletti organmen jáne múlik teńgerimine beriletin respýblıkalyq zańdy tulǵany basqarýdy júzege asyratyn tıisti salanyń ýákiletti organymen kelisilgen qaýlysynyń negizinde beriledi.
3. Memlekettik múlikti memlekettik menshiktiń bir túrinen ekinshisine berý týraly sheshim qabyldanǵannan keıin kúntizbelik 30 kúnnen aspaıtyn merzimde qabyldap alý-berý aktisi (tabystaý aktisi) resimdeledi.
Memlekettik zańdy tulǵalarǵa bekitilip berilgen memlekettik múlik osy Qaǵıdanyń 2-tarmaǵynyń 3) tarmaqshasyna sáıkes memlekettik menshiktiń bir túrinen ekinshisine berilgen jaǵdaıda, qabyldap alý-berý aktisi (tabystaý aktisi) Qazaqstan Respýblıkasynyń Úkimeti sheshim qabyldaǵannan keıin kúntizbelik 30 kúnnen aspaıtyn merzimde resimdeledi.
Qabyldap alý-berý aktisine (tabystaý aktisine) beretin jáne qabyldap alatyn taraptardyń ýákiletti laýazymdy adamdary qol qoıady jáne ony memlekettik múlikti basqarý jónindegi ýákiletti organnyń aýmaqtyq bólimsheleri men jergilikti bıýdjetten qarjylandyrylatyn, kommýnaldyq menshikke bılik etýge ýákiletti atqarýshy organnyń basshylary bekitedi.
Qabyldap alý-berý aktisi (tabystaý aktisi) memlekettik jáne orys tilderinde tórt danada, qabyldap alý-berý aktisin (tabystaý aktisin) resimdeýge qatysatyn taraptardyń árqaısysy úshin bir danadan jasalady.