2011 jylǵy 30 mamyr Astana qalasy
«Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2007 jylǵy 19 jeltoqsandaǵy № 638 buıryǵyna
ózgerister men tolyqtyrýlar engizý týraly
Joǵary oqý oryndarynda oqý úshin úmitkerlerdi qabyldaý rásimin jetildirý jáne irikteýdi qamtamasyz etý maqsatynda buıyramyn:
1. «Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi erejesin bekitý týraly» Qazaqstan Respýblıkasy Bilim jáne ǵylym mınıstriniń 2007 jylǵy 19 jeltoqsandaǵy № 638 buıryǵyna (Normatıvtik quqyqtyq aktilerdi memlekettik tirkeý tiziliminde № 5115 bolyp tirkelgen, «Zań gazetiniń» 2008 jylǵy 22 aqpandaǵy № 28 (1428) sanynda jarııalanǵan) mynadaı ózgerister men tolyqtyrýlar engizilsin:
joǵaryda kórsetilgen buıryqpen bekitilgen Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi erejesinde:
4-tarmaqtyń ekinshi bólimi mynadaı redaksııada jazylsyn:
«Keshendi testileý ótken jyldardaǵy jalpy orta bilim berý uıymdarynyń bitirýshileri, bastaýysh jáne kásiptik orta oqý oryndarynyń (tehnıkalyq jáne kásiptik, orta bilimnen keıingi) bitirýshileri, UBT-ǵa qatyspaǵan halyqaralyq oqýshylarmen almasý jelisi boıynsha shetelde oqyǵan jalpy bilim beretin mekteptiń bitirýshileri, ózbek, uıǵyr jáne tájik tilderinde oqytatyn jalpy orta bilim beretin mekteptiń bitirýshileri, respýblıkalyq mýzyka mektep-ınternattarynyń bitirýshileri, sondaı-aq oqý oryndaryn shetelde bitirgen azamattar úshin ótkiziledi.»
16-tarmaq mynadaı redaksııada jazylsyn:
«16. Jergilikti jerde uıymdastyrý jáne aqparattyq-túsindirý jumystaryn júrgizý jáne qoǵamdyq tártipti saqtaý úshin talapkerlerdiń keshendi testileýin uıymdastyrý men ótkizý jóninde memlekettik komıssııalar (budan ári - memlekettik komıssııa) qurylady.»;
16-1 tarmaq mynadaı mazmunmen tolyqtyrylsyn:
«16-1. Keshendi testileýdi ótkizý tehnologııasynyń saqtalýyn baqylaýdy júzege asyrý úshin bazalyq joo-ǵa Qazaqstan Respýblıkasy Bilim jáne ǵylym mınıstrliginiń ýákiletti ókilderi (budan ári – Mınıstrlik ókilderi) jiberiledi.»;
21-tarmaqtyń ekinshi bólimi mynadaı redaksııada jazylsyn:
«Shyǵarmashylyq mamandyqqa túsýshi talapkerler úshin testileýdiń eki páni boıynsha baldary esepteledi: qazaq nemese orys tili jáne Qazaqstan tarıhy.»;
mynadaı mazmundaǵy 22-1, 22-2 tarmaqtarmen tolyqtyrylsyn:
«22-1. Talapkerge bir orynnan ekinshi orynǵa aýysyp otyrýǵa, emtıhan materıaldaryn basqa talapkermen aýystyrýǵa, kóshirip jazýǵa, oqýlyqtardy jáne basqa da ádistemelik ádebıetterdi, baılanys quraldaryn (peıdjer, uıaly telefon) aýdıtorııaǵa kirgizýge jáne paıdalanýǵa ruqsat etilmeıdi.
22-2. Talapker osy Erejeniń 22-1 tarmaǵyn buzǵan jaǵdaıda Mınıstrlik ókili:
1) osy Erejeniń 4-qosymshasyna sáıkes nysanda tyıym salynǵan zattyń tárkilenýi jáne aýdıtorııada tártip erejelerin buzǵan talapkerlerdi aýdıtorııadan shyǵarý týraly akt jasaıdy;
2) testileý nátıjelerin joıý jáne talapkerdi aýdıtorııadan shyǵarý týraly sheshim qabyldaıdy.»;
24-tarmaq mynadaı redaksııada jazylsyn:
«24. Testileý nátıjelerin óńdeý aıaqtalǵannan keıin durys jaýaptar kody ilinedi.»;
27-tarmaq mynadaı redaksııada jazylsyn:
«27. Test tapsyrmalaryn baǵalaý kezinde biryńǵaı talaptardy saqtaýdy jáne daýly máselelerdi sheshýdi qamtamasyz etý, keshendi testileýge qatysýshylardyń quqyǵyn qorǵaý maqsatynda testileý ótkizý kezeńinde Apellıasııany qaraý jónindegi respýblıkalyq komıssııa (budan ári - Respýblıkalyq apellıasııalyq komıssııa) jáne árbir bazaly JOO-da apellıasııalyq komıssııa qurylady.
Respýblıkalyq apellıasııalyq komıssııa apellıasııalyq komıssııanyń talapkerge baldar qosý týraly usynystardyń negizdemesin qaraıdy jáne sońǵy sheshim qabyldaıdy.
Apellıasııalyq komıssııa testileýge qatysýshylardan ótinishter qabyldaıdy jáne qaraıdy, talapkerge baldar qosý týraly Respýblıkalyq apellıasııalyq komıssııaǵa usynys engizedi jáne ony apellıasııanyń qorytyndylary týraly habardar etedi.
Apellıasııalyq komıssııanyń negizgi fýnksııalary men is-áreketteri Qazaqstan Respýblıkasy Bilim jáne ǵylym mınıstriniń mindetin atqarýshynyń 2010 jylǵy 1 shildedegi № 350 buıryǵymen bekitilgen joǵary bilimniń kásiptik oqý baǵdarlamalaryn iske asyratyn bilim berý uıymdaryna qabyldaý kezinde qurylatyn apellıasııalyq komıssııa týraly erejege sáıkes júzege asyrylady.»;
Mynadaı mazmundaǵy 46-1, 46-2, 46-3, tarmaqtarmen tolyqtyrylsyn:
«46-1. Ushqyshtardy daıarlaýdy júzege asyratyn joǵary oqý ornyna túsetin tulǵalar úshin dárigerlik-ushqyshtyq saraptaý komıssııasynyń ushqyshtardy daıarlaý jónindegi joǵary oqý ornynda oqýyna jaramdylyǵyna medısınalyq qorytyndyny bere otyryp medısınalyq kýálandyrýy mindetti.
46-2. Ulttyq biryńǵaı testileý nemese keshendi testileý sheńberinde tapsyrǵan pánderdiń bireýinen 4-baldan tómen ball alǵan jaǵdaıda, talapkerler aqyly bólimge qabyldanbaıdy jáne bilim berý grantyn taǵaıyndaý konkýrsyna qatysýǵa ruqsat berilmeıdi.
46-3. Eger, azamat ekinshi deńgeıdegi bankter beretin bilim berý kredıtin resimdese, ol qujattarynyń sol bankte qarastyrylyp jatqandyǵy týraly tıisti anyqtamany joo-ǵa usynǵan jaǵdaıda oqý ornynyń stýdenti qataryna qabyldanady.
Osy rette oǵan bilim berý kredıtin resimdeý kezeńinde bilim berý qyzmetin kórsetý shartynda belgilengen jáne azamatty oqýǵa qabyldaýǵa deıingi tóleýge jatatyn somany tóleý merzimin uzartý usynylady. Biraq ol bankten anyqtama alǵan sátten bastap 4 aptaǵa jaramdy.»;
Osy buıryqqa № 1-qosymshaǵa sáıkes 4-qosymshamen tolyqtyrylsyn.
2. Joǵary jáne joǵary oqý ornynan keıingi bilim departamenti (S.M. О́mirbaev):
1) Osy buıryqtyń Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) memlekettik tirkeýden ótkennen keıin osy buıryqty buqaralyq aqparat quraldarynda jarııalasyn.
3. Osy buıryqtyń oryndalýyn baqylaý vıse-mınıstr M.K. Orynhanovqa júktelsin.
4. Osy buıryq alǵash ret resmı jarııalanǵannan keıin qoldanysqa engiziledi.
Mınıstr B. JUMAǴULOV.
«KELISILDI»
Qazaqstan Respýblıkasynyń
Densaýlyq saqtaý mınıstrligi
________________S. Qaıyrbekova
«___»________ 2011 j.
Qazaqstan Respýblıkasy Bilim jáne ǵylym mınıstriniń
2011 jylǵy 30 mamyr №222 buıryǵyna 1- qosymsha
Joǵary bilim berýdiń kásiptik oqý baǵdarlamalaryn iske asyratyn
bilim berý uıymdaryna oqýǵa qabyldaýdyń úlgilik erejesine
4-qosymsha
Aýdıtorııada tártip erejelerin buzǵan talapkerlerdi aýdıtorııadan shyǵarý jáne tyıym salynǵan zattyń tárkilenýi týraly akti
________________________________________________________________________________
(bazalyq JOO ataýy)
«_______»__________20_____j. _______saǵ. ________mın.
Mınıstrlik ókili _________________________________________________________________
(aty-jóni)
Aýdıtorııa kezekshisi _______________________________________________________________
(aty-jóni)
Talapkerden: Aty-jóni____________________________________________ TJK_____________, aýdıtorııa №______, oryn №______, nusqa №____ Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýyń úlgilik erejesiniń 22-1 jáne 22-2 tarmaǵynyń buzylǵandyǵyn dáleldeıtin tómendegi zattar tabyldy:
__________________________________________________________________________________
(uıaly telefonnyń markasy, sany jáne málimetteri bar shpargalka jáne t.b.)
Osy faktini esepke alyp qaýly etildi:
Emtıhan materıaldaryn alý;
Bitirýshini: Aty-jóni__________________________________________________,
TJK_______№_____aýdıtorııadan shyǵarý jáne emtıhan materıaldaryn joıý.
____________________________________________________________________
(osy aktini qurǵan tulǵalardyń aty-jóni jáne qoldary)
Aktimen tanystym: ___________________________________________________
(bitirýshiniń aty-jóni, qoly)
Aktimen tanystym: ___________________________________________________
(bazalyq JOO-nyń jaýapty hatshysynyń aty-jóni, qoly)
M.O.
(bazalyq JOO móri)
Merzimi:___________
Buıryq Qazaqstan Respýblıkasynyń Ádilet mınıstrliginde 2011 jylǵy 16 maýsymda Normatıvtik quqyqtyq kesimderdi memlekettik tirkeýdiń tizilimine № 7015 bolyp engizildi.