Serjanttar quramynyń kásibı deńgeıin kóterý maqsatynda

О́tken jyly serjanttar quramynyń komanda­lyq býynynyń kásibı daıarlyǵyn kóterý maqsa­tyn­da Qorǵanys mınıstriniń birinshi orynbasary – Shtabtar bastyqtary komıtetiniń tóraǵasy, general-leıtenant S.Jasuzaqovtyń utqyr oqý-jat­tyq­ty­rý toptaryn (UOJT) qurý týraly sheshimi qa­byl­danǵan bolatyn. Bul serjanttardy oqytý jos­paryndaǵy eń nátıjeli jańalyqtardyń biri boldy. Utqyr oqý-jattyqtyrý toptarynyń árqaısysy 8 adamnan, serjanttar arasynan jeke pánder boıynsha erekshe daıyndalǵan, barlyǵy 54 adamdy quraıtyn, ásker tekteri men óńirlik qolbas­shy­lyq­tardyń serjanttarynan quraldy. Bul toptardy daıyndaý úshin serjanttardy jaýyngerlik daıarlyq pánderi boıynsha sabaqtardy ótkizý ádistemesin úıretken Qorǵanys mınıstrligi Kadet korpýsynan eń jaqsy oqytýshy-ádiskerlerdi tartýmen oqý-ádistemelik kýrstary uıymdastyryldy. Daıyn­dal­ǵan toptardy garnızondarǵa ornalastyra otyryp, serjanttar quramynyń jıynyn ózderiniń bilimderi men jetistikterin saralaı kelip, rotalar (batareıalar) serjanttary sanattaryn oqytty, al bul – 600-ge jýyq adam. Taǵy bir jańalyq, ótken jylǵy oń tájirı­be­lerdi eskere otyryp, issaparlyq shyǵyndarǵa qar­jy quraldarynyń únemdiligin jáne oqyǵandardyń kóp kólemin qamtý maqsatynda 18 áskerı garnızonda 144 adamnan turatyn UOJT quryldy. Qazirgi kezde osy garnızondardyń árqaısysynda UOJT kúshimen vzvod serjanttarymen jáne bólimshe komandırlerimen oqý-ádistemelik kýrstary júrgi­zilýde. Osylaı jazǵy oqý kezeńinde «bólimshe-vzvod» serjanttarynyń býynynan taǵy 600-ge jýyǵyn oqytý josparlanyp otyr. «Egemen-aqparat».