Bar úmit – bes boksshyda

Sársenbi kúni bokstan jas­óspirimder arasynda ótip jat­qan álem chempıonatynyń shırek fı­na­lyna shyqqan toǵyz boksshy­myzdyń beseýi jar­tylaı fınal­ǵa joldama aldy. Al tórteýi qarsylas­ta­ry­na ese jiberip, dittegen maqsatyna jete almady. Bul básekede bizden basqa Reseı quramasynyń segiz boksshysy kelesi aı­nalymǵa shyqty. Ýkraındardan al­ty, О́zbekstannan bes boks­shy shırek fınaldan súrinbeı ótti. Osy ja­rysta Ońtústik Koreıanyń bozbala­lary jaq­sy óner kórsetip jatqanyn aıtý kerek. Irikteý jekpe-jekterinen alty boks­shy­nyń tórteýi súrinbeı ótip, jar­tylaı fınalǵa joldama aldy. Túr­kııa­nyń 13 boksshysynyń úsheýi jarysty jalǵastyrady. Al Avstralııa, Anglııa, Úndistan, Armenııa men Ger­manııanyń eki myqty bylǵary qol­ǵap ıeleri ǵana kelesi aınalymǵa shyqty. Rýmynııa, Irak, Moldova, Tá­jik­stan, Fılıppın, Belarýs, Veng­rııa, Qyrǵyzstan, Italııa, Áze­r­baı­jan men fransýz Polı­nezııasynyń bir-bir boksshysy ja­rysta qaldy. Jal­py, álem chem­pıo­natyna qatysyp jat­qan 48 eldiń ishinde 22 eldiń ókil­deri jartylaı fı­nalǵa shyǵýǵa múmkindik aldy. Endi keshegi shırek fınal týra­ly áńgimelesek. Jeńilgen boksshylarǵa biz kiná taǵa almaıtynymyzdy birden aıtaıyq. Eń jeńil salmaqta bokstas­qan Zańǵar Temirhan (48 kg.) Mol­do­va­nyń chempıony Mıhaıl Svasıýkten jeńildi. Keshe ǵana domınıkandyqty tórt buryshqa tyqqan Zańǵar nege ekeni belgisiz, qarsylasynan tórt upaı aıyrmashylyǵymen taza utyldy. Al Dáýlet Baıǵabatovty (70 kg.) ıtalıan Salvatore Kavallarodan taza jeńildi dep aıta almaımyz. Bul kezdesýde esep 5:5 bolyp turǵanda tóreshiler Appenın túbegi ókiliniń qolyn kóter­di. Muny Dáýlet qana emes, jan­kúıer­lerdiń bári kútken joq. Bizdiń boks­shy­myz  osylaı tóreshilerdiń «bir aýyz kelisimimen» jeńilip qaldy. Kelesi bolyp sharshy alańǵa shyqqan  Tilek Qozbaqov (80 kg.) bolsa, aýyr salmaqtaǵy Avstralııanyń úzdik boksshysy Djaı Oppetaıeden utyl­ǵanyn moıyndaý kerek. Sol sııaqty Aqyl­bek Ádilǵalıev (66 kg.) reseılik Aleksandr Agafonovke ese jiberdi. Endi bizdiń jeńister týraly. Mun­da birinshi bolyp Dáýlet Qaıyr­geldi (63 kg.) jartylaı fınalǵa shyq­ty. Ol túrik Ozat Hasandy jeńip, endi reseılik Tamerlan Magomedovpen kezdesetin bolady. Al keshke qaraı Bekjan Kibitqalıev (54 kg.) rýmyn Arsen Mýs­tafany, Aıan Qalybekov (60 kg.) grýzın Djemal Shalamberıd­zeni ut­ty. Endi Bekjan Eýropanyń oqýshy­lar arasyndaǵy eki dúrkin chempıony Artem Melkonıanmen (Reseı), Aıan О́z­bekstannyń jasóspirim­der arasyn­daǵy eki dúrkin chempıony Israıl Madrımovpen kezdesedi. Osy kúni As­qar Dúısáli (75 kg.) Eýro­panyń jasós­pirimder arasyndaǵy chempıony vengr Adam Amorıdi taza jeńdi. Qazaq boksshysynyń jarty­laı fınaldaǵy qarsylasy ýkraın Vladıslav Mıhaılov bolady. Eń aýyr salmaqtaǵy Dıdar Tólegen jek­pe-jek bitpeı-aq  Eýropa chempıo­natynyń qola júldegeri vengr Laslo Komordy utty. Osy kúni Belarýs pen Aljır boksshylarynyń arasyndaǵy aıqas ta tartysty boldy. Edýard Vaha qarsy­la­synan jeńilip jatyp, sońǵy mınót­terde nokdaýn jasap, aljırlikti je­ńip ketti. Sol sııaqty Úndi­stannyń jal­ǵyz jartylaı fınalǵa shyqqan boksshysy Navın Kýmar ázerbaı­jan­dyq Malıp Mýradovty taza jeńdi. Úndistannyń chempıony, bıyl Geıdar Álıev kýbogyn jeńip alǵan Navın Kýmar osylaı álem chempıony ataǵy úshin kúresetinin dáleldedi. Budan keıin Ázerbaı­jannyń Mahammadalı Tahırov degen boksshysynyń da joly bolma­dy. Ol armıan Sereja Akopıannan ese jiberdi. Bul kezdesýde esep teń bolyp jatqan edi. Biraq tóreshiler jeńisti sońǵysyna bergende, qarsy­las jaq­tyń jankúıerleri bir-birine sha­býyl jasaýǵa taıynbaıtyndaryn kórsetti. Dastan KENJALI.