Elordadaǵy jańa ofıs

Álemdegi eń iri munaı-gaz kondensatty ken oryn­darynyń biri – Qarashyǵanaq ken ornyn ıgerýshi «Qara­shyǵanaq Petrolıým Opereıtıng B.V.» (QPO) halyq­aralyq konsorsıýmy Qazaqstan astanasynda jobalardy damytý dırektoratynyń ofısin ashty. Kompanııanyń operasııalyq ofısi Batys Qazaqstan oblysynyń Aqsaı qalasynda ornalasqan. Ony ashý rásiminde QPO bas dırektory  Djýzeppe Pazı «jańa ofıs Astananyń dál ortasynda qonys teýip, barlyq ókiletti organdarmen birge QPO men Qazaq­stan Respýblıkasynyń arasyndaǵy únqa­tysýdyń jańa kezeńin damytýǵa járdemdesetin jáne Qarashyǵanaq ken ornyn odan ári ıgerýdiń josparlaryn talqylaý sheńbe­rindegi baılanystardy jeńildetetin bolady» dedi. Ofıstiń ashylý rásimine QPO basshylyǵymen birge «PSA» JShS bas dırektory Bolat Aqsholaqov, konsorsıým qyzmetkerleri jáne qazaqstandyq merdiger kompanııalar qatysty. Jobalardy damytý dırektoratynyń jańa ofısi «Astana Taýer» bıznes ortalyǵynyń onynshy qaba­tynda ornalasqan. Onyń ashylý rásiminde  Djýzeppe Pazı QPO-nyń jobalardy damytý jónindegi dırektory laýazymyna taıaýda taǵaıyndalǵan  Alberto Meantıdi tanystyrdy. Ol jaýyq arada Astanaǵa óziniń otbasymen birge kóship kelmek. Jaqyn kúnderi ofıs turaqty qyzmetkerlermen tolyq jasaqtalyp, jumystaryn bastaıtyn bolady. О́nimderdi bólý boıynsha negizgi kelisimge qol qoıyl­ǵan sátten bastap, QPO konsorsıýmynyń qatysýshy-kompa­nııalary eń ozyq ónerkásiptik tehnologııalardy paı­dalana otyryp, Qarashyǵanaq ken ornyn ıgerýge   16 mıllıard dol­lardaı ınvestısııa quıdy. 2010 jyly ken ornynda 133,4 mıllıon barrel munaı ekvıvalenti óndirildi. QPO «Bı Djı Grýpp» (qatysýdyń 32,5%), «Enı» (32,5%), «Shevron» (20%) jáne «LÝKOIL» (15%) birlesken kásiporny bolyp tabylady. QPO Qarashyǵanaq ken ornyn ıgerýge jáne damytýǵa basshylyq jasaıdy. Marat AQQUL.