Bul kitapta Vladımır Sokolovtyń ómiri men ǵylymı jetistikteri, atqarǵan qyzmetteri, sonymen qatar, ǵylymı eńbekteri men maqalalary berilgen. V.A.Sokolov Qazaqstannyń geologııasyn zertteı otyryp, 1931 jyly Betpaqdalanyń, 1933 jyly Qazaqstannyń shyǵys aımaqtarynyń paıdaly qazbalaryn zerttep ashqan bolatyn. 1934-1935 jyldary Qarataýda fosfor qoryn anyqtap, sol jerde zertteý jumystaryn júrgizip, 1936 jyly mıneraldardyń taralýynyń geologııalyq kartasyn jasap, Altaı taýynyń kendi-paıdaly qazbalaryn kartaǵa túsirdi. Sonymen qatar, Ortalyq Qazaqstanda altyn men kvarsıt qoryn, Saıaq ken ornyn ashty. Shyǵys Qazaqstan oblysyn keńinen zertteı kele jeriniń tústi metaldarǵa baı ekenin anyqtap, Qońyrat tústi metall ken oryndaryn ashqan. Osyndaı dara tulǵaǵa arnalǵan bul kitap Ál-Farabı atyndaǵy Qazaq Ulttyq ýnıversıtetiniń baspasynan basylyp shyqty. Sebebi Vladımır Sokolov 1949 jyly osy ýnıversıtette mıneral jáne krıstal kafedrasynyń meńgerýshisi qyzmetin atqarǵan, 1951-1952 jyldary ýnıversıtettiń bilim jónindegi prorektory bolǵan.
Gúlzıra ORAZYMBETOVA, Ál-Farabı atyndaǵy QazUÝ dosenti.