Kásipkerlikke serpin

Oblys ákimi Arhımed Muham­be­tovtiń tóraǵalyǵymen ótken jıynǵa ekinshi deńgeıdegi bank fılıaldary men qoǵamdyq birlestikter basshylary shaqyry­lyp, onda kásipkerlikti ýaqyt ta­labyna saı jańa arnada damytý, ony jan-jaqty óristetý áńgime ózegine aınaldy. Kásipkerliktiń damýyna serpin beretin «Bıznes­tiń jol kartasy-2020» baǵdarla­masy qazirgi ýaqytta tórt baǵyt boıynsha júzege asyrylýda. Baǵ­darlama baǵyttarynda jańa bız­nes-bastamalardy qoldaý, kásip­kerlik sektordy saýyqtyrý, ká­sip­ker­lerdiń valıýtalyq táýekel­derin azaıtý men kásipkerlik áleýetti kúsheıtý qarastyrylǵan. Jıynda baıandama jasaǵan oblys ákiminiń orynbasary Roza Kemalovanyń aıtýynsha, baǵdar­lama­­ny júzege asyrýǵa respýb­lıka­lyq bıýdjetten oblysqa 2010-2011 jyldarǵa 2 088,8 mln. teńge bólý belgilendi. Bul baǵ­darlama boıynsha ótken jyly 567,9 mln. teńge bólinse, bıyl ol úsh esege jýyq artty. Joba­lardyń basym bóligi agro­óner­kásip salasynyń enshisinde. Son­daı-aq, densaýlyq saqtaý, jeńil ónerkásip, kólik jáne jınaqtaý jelileri boıyn­sha da kásip­kerlikti damytýdyń ıgi basta­malary bar. Osy kezge deıin baǵdarlamanyń úsh baǵyty bo­ıynsha paıyzdyq ósimdi sýb­sıdııalaýǵa oblys kásipker­­leri­niń 15,5 mıllıard teńge turatyn 66 jobasy qoldaýǵa ıe boldy. Bul respýblıka boıynsha qoldaý­ǵa ıe bolǵan jobalardyń 13,2 paıyzyn quraıdy. Baǵ­darlama­nyń úsh baǵyty boıynsha óńir­degi 200-ge jýyq ká­siporynǵa qoldaý kórsetilýde. Ol jerlerde jumys isteıtin 4,4 myń adam óz oryndarynda qaldy. Sondaı-aq, osy kásiporyndarda jobalardy júzege asyrý aıasynda jańadan 2,7 myń jumys ornyn ashý kózdelýde. Baǵdarlama aıa­syndaǵy paıyzdyq mólsherleme boıynsha josparlanǵan sýbsıdııa kólemi oblys aýmaǵynda 605,0 mln. teń­ge quraıdy, baǵdar­la­maǵa qatysý­shylardan jospar­lanyp otyrǵan salyqtyq túsim­der kólemi 1,0 mlrd. teńge bolady dep kútilýde. Bıyldan bastap «Kásipkerlik sektordy kúsheıtý» baǵyty jú­zege asyryla bastady. Bul baǵyt aıasynda jańadan is bastaǵan kásipkerlerge kómek kórsetý, naq­tyraq aıtqanda, talaptaný­shy­larǵa kásipkerlik qyzmet negizderi boıynsha qysqa merzimdi bilim berý, bıznesti júr­gizýge servıstik qoldaý kórsetý, shaǵyn jáne orta bıznes top-menedj­menti kýrsyn júrgizý, sheteldik áriptestermen iskerlik baıla­nys ornatý arqyly óndiristi jańǵyrtý jáne keńeı­tý, jastar tájirıbesin uıym­dastyrý syn­dy sharalardy jú­ze­ge asyrý qarastyrylǵan. Ju­mys istep turǵan bıznesti servıstik qol­daý jobasy boıynsha oblys­taǵy 94 kásiporynǵa 58,3 mln. teńgege qoldaý jasaý belgilendi. «Iskerlik baılanys» jobasy eki kezeńnen turady. Birinshi kezeńde jeti aqtóbelik kásipker qatyssa, ekinshi kezeń­de 19 adam oqý-tájirıbeden ótti. Al, «Nazarbaev ýnıversıteti» AQ bıznes mektebi baza­synda «Sha­ǵyn jáne orta bıznes top-menedjmentine oqy­tý» jobasy boıynsha 18 kvota bólinip, oǵan ıe bolǵandardyń barlyǵy da oqyp shyqty. О́ńir basshysy bıyl júzege asyrylatyn jobalardyń ma­ńyz­­dylyǵyn, bul baǵyttaǵy «Aqtóbe» áleýmettik-kásipker­lik korporasııasynyń kóshbas­taýshylyq belsendiligi qa­jettigin qadap aıtty. Satybaldy SÁÝIRBAI, Aqtóbe oblysy.