Orys teatry – Elordada

Astanaǵa gastroldik saparmen kelgen M.Lermontov atyndaǵy memlekettik akademııalyq orys drama teatrynyń bes kún qatarynan (26-30 tamyz) K.Baıseıitova atyndaǵy Ulttyq opera jáne balet teatrynda usynatyn sahnalyq týyndylary negizinen Táýelsizdiktiń 20 jyldyq merekesi qurmetine arnalady. Dáliregi, teatrdyń kórkemdik jetekshisi, Qazaqstannyń halyq ártisi, Memlekettik syılyqtyń laýreaty Rýben Andrıasıannyń BAQ ókilderimen bolǵan baspasóz máslıhatynda aıtqanyndaı, Shyń­ǵys Aıtmatov pen Qaltaı Muha­med­janovtyń «Kóktóbedegi kezdesý» eki bólimdi dramasy el me­reıtoıyna tartý retinde kórer­men nazaryna usynylmaq. «Bul spektakldi merekege ne úshin laıyq dep esepteısiz?» degen su­ra­qqa rejısser: «О́ıtkeni, munda adamnyń ar-ujdany týraly te­reń oı qozǵalady. Adamdy adam retinde saqtap qalatyn qashanda onyń boıyndaǵy osyndaı qa­sıet­teri dep esepteımin. Bul bir kúndik másele emes, ol zamandar boıy adamzat balasynyń aqyl-oıyna arqaý bolyp kele jatqan ózekti taqyryp. Mundaı namys pen ardyń sózi shyǵarmashylyq ıelerin máńgi tolǵantyp, tebirentip otyrýymen mándi bolyp qala beredi. Sol sebepti de qos qa­lam­gerdiń ómiri eskirmeıtin, áli talaı shymyldyqtyń shynaıy kó­ri­nisine uıytqy derlik týyn­dy­syn el toıyna laıyqty tartý retinde ádeıilep tańdap usyndyq» deıdi. Teatr dırektory Iýrıı Iаkýshev elordalyq kórermenderdiń klassıkalyq shyǵarmalardy óte jyly qabyldaıtynyn aıtyp, sol úshin de Mark Kamolettıdiń «Alty adamdyq pıjama» kome­dııa­­lyq týyndysyn osy kúnderi kó­rer­mender nazaryna usynýdy josparlap kelgenin áńgimeledi. Álem sahnalarynda eń kóp qoı­ylǵan spektakl retinde Gın­nes­tiń rekordtar kitabyna engen shy­ǵarmany halyqqa múltiksiz má­nermen jetkizýge bir kisideı eńbek sińirgen rejısser Vladımır Molchanovtyń da qol­tań­ba­syn elordalyq kórermen jaqyn­nan baǵalaý múmkindigine ıe bolyp otyr. Belgili teatr jáne kıno rejısseri Rýstam Ibragım­bekovtiń «Áredik kezdesý úshin áriptes izdeımin» eki kórinisti tra­gıkomedııasyn sahnalaǵan Igor Gonopolskııdiń bul dúnıesin kórermen osydan jeti jyl bu­ryn tushyna qabyldaǵany, al­ǵash­qy qoıylymyn pesa avto­ry­nyń ózi kelip tamashalaǵany ha­lyq jadynda. «Aptap shóldiń appaq kúni», «Ýrga – mahabbat mekeni», «Sibir shashtarazy», «Kósh­pendiler» fılmderi arqy­ly kópshilikke etene tanys ssenarııshi qazaqstandyq áriptes­teri­niń jańalyǵyn estigende: «Bul spektakldi Bakýden keıin óz sah­nasyna kótergen Almaty teatry dep qýanyshtan júregi jaryla jaz­dapty». Endi, mine, osy úsh tańdaýly dúnıege elordalyq jurt­shylyqtyń kýá bolar sáti týyp otyr. Qarashash TOQSANBAI, Sýretti túsirgen  Orynbaı BALMURAT.