Aqyn eskertkishi osyndaı bolady

Syrt adamǵa ár jerdiń ta­rıhy men mádenıeti, aıtýly tulǵalary áýeli eskertkishter arqyly tanylatyny málim. Osy oraıda Qaraǵandy aıma­ǵy­nyń ómirinde óshpes izi bar adamdar kimder ekeni qazir qa­la­nyń kórikti tustarynan aı­qyn ańǵarylady. Qazir deıtinimiz, Táýelsizdikke deıin Jam­byl babamyzdyń eleýsizdeý búıirdegi músininen basqa hal­qymyz maqtanyshtary beınesin este ustardaı eskertkishter bolmaı keldi. Endi búginde shahardy ara­lasańyz jasyl jelekke bó­lengen eń ádemi múıiste  Abaı, óz atyndaǵy bas kóshe boıynda  Buqar jyraý tur oılanyp, sóz zergerleri  Sáken men Ǵabıden aınalaǵa kóz tigedi súısinip. Al taıaý kúnderde óleń óneriniń suńqary Qasym qosylady aralaryna. Sáken kóshesi qıylysynan ortalyq saıabaqqa kireberis jer­de turǵyzylýy aıaqtalyp qal­ǵan aqyn eskertkishi  9 qyr­kúıekte ashylǵaly otyr. Bıiktigi 8 metrge jýyq.  Jyr juldy­zynyń tutas músini qoladan quıylǵan. Ony elimizge tany­mal sáýletshi, Qazaqstan Sýretshiler odaǵynyń múshesi  Jeńis Moldabaev jasaǵan. Osyǵan baı­lanysty músinshiler baıqaý­yn­da usynǵan jobasy ozyq shyǵyp, tańdaý soǵan túsken ol aqyndy  óleńderindegideı ór­shil tulǵada beınelegen. Eskert­kishtiń jan-jaǵy ásem bezendirilip, kópshilik súısine demalar, seıilder  oryn bolmaq. Aıqyn  Nesipbaı, Qaraǵandy.