Bıyl ShYU Forýmynyń jumysyna ShYU múshe memleketterdiń (Qazaqstan, Qytaı, Qyrǵyzstan, Reseı, Tájikstan men О́zbekstan), Aýǵanstan, Úndistan, Pákistan, Iran men Belarýsııa sekildi baqylaýshy memleketterdiń ulttyq zertteýler ortalyqtarynyń delegasııalary, О́zbekstannyń ǵylymı-saraptamalyq qaýymdastyǵynyń, sonymen qatar, О́zbekstanda akkredıtasııalanǵan dıplomatııalyq korpýstyń ókilderi qatysty. Forýmǵa Qazaqstan atynan Álemdik ekonomıka jáne saıasat ınstıtýty sarapshylary Asqar Nursha men Rýslan Izimov qatysty.
Sharanyń uıymdastyrýshysy – О́zbekstannyń SIM men Forýmǵa jetekshilik etken О́zbekstan Respýblıkasy Prezıdentiniń janyndaǵy strategııalyq jáne aımaqaralyq zertteýler Instıtýty. Otyrys barysynda múshe memleketter arasyndaǵy qarym-qatynas, 2017 jyldyń 8-9 maýsymynda Astana qalasynda ótetin ShYU sammıtiniń kún tártibi, sondaı-aq, sammıt aıasynda Úndistan men Pákistannyń ShYU músheligine ótý jaıttary qaraldy.
Jalpy, Forým qatysýshylarynyń pikirinshe, 2006 jyly ShYU qyzmetine keńesshi-sarapshylyq seriktestik mehanızmi retinde qurylǵan Forým aımaqaralyq yntymaqtastyn máselelerdi talqyǵa salatyn bedeldi halyqaralyq pikirtalas alańyna aınalyp úlgerdi.
Qazaqstandaǵy QR Tuńǵysh Prezıdenti - Ult Kóshbasshysy qorynyń janyndaǵy Álemdik ekonomıka jáne saıasat ınstıtýty ShYU ulttyq zertteý ortalyǵy bolyp tabylady. Kezekke sáıkes, 2018 jyly ShYU Forýmynyń otyrysyna ÁESI jetekshilik etedi.
Qazaqstan Respýblıkasynyń tuńǵysh Prezıdenti – Ult Kóshbasshysy Qorynyń janyndaǵy álemdik ekonomıka jáne saıasat ınstıtýty 2003 jyldan beri jumys istep keledi. ÁESI Qazaqstan Respýblıkasy Tuńǵysh Prezıdentiniń memlekettilikti qurý men qalyptastyrý, halyqaralyq seriktestikti damytý, beıbitshilik pen turaqtylyqty saqtaýdaǵy eleýli eńbekterin zertteıdi.