Qazaqstan – Fınlıandııa: Dıplomatııalyq qatynastarǵa – 25 jyl

Onda R.Vasılenko Syrtqy ister mınıstri Qaırat Ábdiraxmanovtyń fınlıandııalyq áriptesi Tımo Soınıge osy dataǵa baılanysty jazǵan quttyqtaý xatyn tapsyrdy. О́ziniń sózinde Roman Vasılenko eki el arasyndaǵy baılanystardyń jaqsy qarqynmen damyp kele jatqandyǵyn atap ótti. Fınlıandııa – Skandınavııa elderi ishinde Qazaqstan ekonomıkasyna aqsha salyp otyrǵan iri ınvestor. Onyń kólemi 300 mln AQSh dollarynan asyp jyǵylady. «Qazirgi kezde Qazaqstanda 70-ten astam fın kompanııalary jumys isteýde. Olar energetıka, telekommýnıkasııa, kólik, logıstıka, taý-ken, aýyl sharýashylyǵy, óńdeý ónerkásibi, turǵyn úı jáne taǵy basqa salalarda eńbek etip júr», – dedi R.Vasılenko.

«Áriptestik qatynastar budan ári de artady, óıtkeni, Qazaqstan men Fınlıandııa arasyndaǵy Saýda-ekonomıkalyq yntymaqtastyq jónindegi úkimetaralyq komıs­sııanyń jumysy jandanýda. Komıs­sııanyń sońǵy otyrysynda energetıka, bilim, aýyl sharýashylyǵy, kólik pen lo­gıstıka boıynsha birneshe jumys tobyn qurý týraly sheshim qabyldandy. Eki el­diń bıznes xaby da ózara tyǵyz baı­la­nystarǵa úlesin qosyp keledi. Budan bólek, bilim men ınnovasııalar salasyn­daǵy qarym-qatynas nyǵaıa túsýde, − deı kelip, R.Vasılenko sońǵy eki jylda Qazaqstannyń 20-dan astam ushqyshy Fınlıandııanyń azamattyq avıasııa mektebinde arnaıy daıyndyqtan ótkenin jetkizdi. Sonymen birge, 100-den astam memlekettik qyzmetker óz biliktilikterin shyńdap qaıtqanyn aıtty. «Bolashaq» baǵdarlamasy boıynsha fın elinde bilim alyp júrgen jastar da az emes», – dedi ol.

Fınlıandııanyń Qazaqstandaǵy Tó­tenshe jáne ókiletti elshisi Ilkka Raısanen eki el arasyndaǵy dıplomatııalyq qa­rym-qatynastardyń damýyna joǵary baǵa bere kelip, ony áli de tereńdete túsý qajettigin atap ótti. «Fınlıandııa úshin Qazaqstan – Ortalyq Azııaǵa jol asha­tyn qaqpa. Biz de Qazaqstan úshin búkil Soltústik Eýropa aımaǵynyń qaq­pasy bola alamyz dep senemin. Asta­nadaǵy EKSPO-2017 kórmesine qatysa­ty­nymyzǵa qýanysh­tymyz. Sebebi, dál osy jyly biz táýelsizdigi­mizdiń 100 jyl­dyǵyn, sondaı-aq eki el arasyndaǵy dıp­lo­matııalyq qarym-qatynastyń 25 jyl­dyǵyn atap ótip otyrmyz», – dedi I.Raı­sanen.

Baspasóz máslıhatynda Fınlıandııa prezıden­ti Saýlı Nınnıste EKSPO-2017 halyq­ara­lyq kórme­sine kelýdi josparlap otyrǵany da aıtyldy. Onyń sapary maýsym aıynyń 19-21-ine  belgilenipti. Aıta ketetin jaıt, bul Fınlıandııa basshysynyń Qazaqstanǵa jasaıtyn úshinshi sapary bolmaq.

Jaqsybaı SAMRAT, «Egemen Qazaqstan»