On komanda qatysqan tartysta temirtaýlyqtar birinshi orynnan kórinse, aqjaldyqtar men astanalyqtar márege úzeńgiles keldi. Olarǵa osynaý týrnırdi uıymdastyrýshylar tarapynan aqshalaı syılyqtar berildi. Sonymen birge, «Úzdik shabýylshy», «Úzdik qorǵaýshy» «Voleıbol sportynyń ardageri» atanǵan Iýrıı Senkevıch, Azamat Balaǵazınov jáne Marat Ospanovqa da syı-sııapat kórsetildi.
– Bul jarystyń arqasynda oblysymyzda voleıbol sportyn damytýǵa úlken qozǵaý salynyp otyr. Ábdihanov atyndaǵy týrnırde tanylǵan jigitterdiń birazy tańdaýly komandalar quramyna tartylyp, halyqaralyq jarystarda kózge túsip júr, – deıdi jarystyń bas tóreshisi Bolat Dúısebaev.
Osynaý ıgilikti bastamany kóterýshi Ábdihanovtar áýleti jarys aıasyn keńeıtýdi oılaıdy. Aldaǵy jyly respýblıkalyq birinshilikke ulastyrý, Qaraǵandy aımaǵyn voleıbol sporty ordasyna aınaldyrý negizgi maqsat. О́týi bir tústik, este qalýy bir kúndik jıyn-toılardan góri máni men jóni bólek osyndaı jarystardyń túr-túrin ózge de janashyrlar óristete tússe, nur ústine nur-aq.
Aıqyn Nesipbaı QARAǴANDY