Qazaqstandyq ánshi Dımash Qudaıbergen Parıjdegi Global Gift Foundation qaıyrymdylyq keshine qatysty.
Osyǵan deıin Fransııada ótetin jıynǵa Dımashty amerıkalyq aktrısa Eva Longorııa shaqyrǵany týraly habarlanǵan edi. 16 mamyrda Parıjde bolǵan Gala-keshti IýNISEF qoldaýymen tanymal aktrısa, prodıýser jáne rejısser Eva Longorııa uıymdastyrdy.
«Parıjde 16 mamyr kúni ótetin Global Gift Gala sharasynda án aıtý men úshin úlken abyroı», - dep jazdy ánshi jelide.
Aıta keteıik, Global Gift kommersııalyq emes qaıyrymdylyq qorynyń maqsaty - kómekti qajet etetin balalar men áıelderge jáne otbasylarǵa qoldaý kórsetý. Eva Longorııa men ol negizin qalaǵan Eva Longoria Foundation jáne Global Gift Foundation qaıyrymdylyq qory birneshe jyldan beri birlesip qyzmet etip keledi.