Tutyný baǵalarynyń ındeksi 2017 jylǵy sáýirde ótken aıdyń deńgeıinde (2017 jylǵy naýryzda – 0,5%) qalyptasyp, ótken aıǵa qaraǵanda 0,5%-ǵa kóterildi. Bul rette sáýirde bazalyq ınflıasııa kórsetkishteriniń 0,4%-dan 0,3%-ǵa deıin, jyldyq kórsetkish boıynsha 7,7%-dan 7,2%-ǵa deıin tómendeýi jalǵasty, bul maýsymdyq kúızelisterdi qosa alǵanda, qysqa merzimdi kúızelisterdi eseptemegende ınflıasııanyń tómendeý traektorııasynyń jalǵasyp jatqanyn bildiredi.
Inflıasııalyq prosester ekonomıkanyń birtindep qalypqa kelýiniń, halyqtyń naqty kirisi ósýiniń, tutynýshylyq suranystyń jandanýynyń áser etýimen, bul rette baǵa deńgeıine aıtarlyqtaı qysym jasamaı qalyptasýy jalǵasýda. Sonymen birge, ekonomıkanyń jekelegen salalaryndaǵy shyǵasylardyń barynsha joǵary deńgeıi, jyl basynan beri syrtqy naryqtarǵa taýarlardyń baıqalyp otyrǵan áketilýi, óńirlerdegi ınflıasııalyq prosesterdiń tepe-teń damymaýy, aýa-raıy jaǵdaıy ınflıasııaǵa áser etýin jalǵastyrýda.
Sáýirde halyq arasynda ınflıasııalyq kútýlerdi baǵalaý boıynsha júrgizilgen pikirterimniń nátıjeleri boıynsha qabyldanatyn jyldyq ınflıasııa jáne ótken aıdaǵy ınflıasııa turaqty deńgeıde bolyp otyr. Pikirterimge qatysýshylar ınflıasııanyń negizgi kózi retinde tamaq ónimderi baǵasynyń ósýin atap ótedi.
Sáýirde kelesi aıda baǵa ósýi boıynsha kútýler naýryzben salystyrǵanda shamamen tómendedi. Respondentterdiń 53%-y 2017 jylǵy mamyrda baǵa ósýin kútýde, olardyń kópshiligi baǵa azdap ósedi dep boljaıdy.
Halyqtyń kelesi 12 aıda baǵa ósýine qatysty kútýleri naýryzben salystyrǵanda shamamen ósti. Bir jyldan keıin ınflıasııanyń deńgeıin 10%-dan joǵary baǵalaıtyndardyń úlesi birshama ósýine qaramastan, baǵa ósimine 10%-dan kem baǵalaıtyndardyń úlesi pikirterim ótkizýdiń basynan beri (2016 jylǵy qańtar) joǵarǵy deńgeıde tur. Bolashaqtaǵy ınflıasııany 6-10%-dyq aralyqta baǵalaıtyndardyń úlesi 23%-dan 28%-ǵa deıin óskenin atap erekshe ótken jón.
2017 jylǵy sáýirde kvantıfıkasııanyń yqtımaldylyq ádisiniń kómegimen eseptelgen ınflıasııalyq kútýler keıbir ulǵaıtýlarǵa qaramastan jetkilikti túrde turaqty bolyp qalyp otyr. Máselen, suraý salýdyń nátıjeleri boıynsha bir jyl buryn ınflıasııany sandyq baǵalaý 2017 jylǵy naýryzben salystyrǵanda 0,3 p.t. ulǵaıyp, 6,4%-dy qurady jáne 2018 jylǵa 5-7% nysanaly dáliz ishinde tur.