Elbasy Parlament Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi Nurtaı Ábiqaevty qabyldady.
Memleket basshysy kezdesýde saıası jáne ekonomıkalyq reformalardy iske asyrý, sondaı-aq qoǵamdyq sanany jańǵyrtý prosesinde el Parlamentiniń mańyzdy ról atqaratynyn atap ótti.
– Biz damý baǵdarlamalaryn qabyldadyq. Meniń Qazaqstan halqyna Joldaýymdy jáne ekonomıkalyq reformalar men qoǵamnyń rýhanı jańǵyrýyn iske asyrý úshin zańnamalyq baza qajet. Osy jumysqa belsendi túrde atsalysýǵa Sizdiń tájirıbeńiz ben bilimińiz jetkilikti dep senemin, – dedi Nursultan Nazarbaev.
N.Ábiqaev Qazaqstan Prezıdentine elimizde júrgizilip jatqan reformalardy zańnamalyq turǵydan qamtamasyz etý úshin Parlament depýtattary aldyna qoıylǵan mindetterdiń oryndalý barysy týraly baıandady.